JKR-SOTHY

அபிவிருத்தி மேம்பாடு மற்றும் தேவைகள் தொடர்பில் உயர்மட்ட மாநாடு!

2012-01-31T12:10:00.000-08:00

யா ழ் குடாநாட்டில் மேற்கொள்ளப்பட வேண்டிய அபிவிருத்தி முன்னெடுப்புக்கள் இன்னமும் மீள் குடியேற்றங்கள் மேற்கொள்ளப்படாத பகுதிகள் மீள்குடியேற்றப்படாத மக்கள் தொடர்பான விபரங்களை ஆராய்தல் இதுவரையில் மீள்குடியேற்றப்பட்டுள்ள மக்கள் எதிர்நோக்கி வரும் பிரச்சினைகள் அரச மற்றும் பொது காணிகள் தொடர்பாக ஆராய்தல் நன்னீர் மீன் வளர்ப்புத் திட்டம் கடற்தொழில் சார்ந்த பிரச்சினைகள் மீள்குடியேறியுள்ள கடற்தொழில் சார்ந்த குடும்பங்களுக்கு தொழில் உபகரணங்கள் வழங்கப்படாமை போன்ற விடயங்கள் தொடர்பில் உயர்மட்ட மாநாடொன்று இன்றைய தினம் காலை யாழ் மாவட்ட செயலகக் கேட்போர் கூடத்தில் நடைபெற்றது. (படங்கள் இணைக்கப்பட்டுள்ளன)
பாரம்பரிய கைத்தொழில்கள் மற்றும் சிறுதொழில் முயற்சி அபிவிருத்தி அமைச்சர் டக்ளஸ் தேவானந்தா அவர்களது தலைமையில் இடம்பெற்ற இம்மாநாட்டில் வடமாகாண ஆளுநர் மேஜர் ஜெனரல் ஜி.ஏ. சந்திரசிறி அவர்களும் உடனிருந்தார். துறைசார்ந்த அதிகாரிகளால் பல்வேறு திட்டங்களின் முன்னெடுப்புக்கள் தொடர்பில் விளக்கமளிக்கப்பட்டது. இதனிடையே பொருளாதார அபிவிருத்தி அமைச்சின் கீழ் ஆயிரம் கோடி ரூபாவில் மேற்கொள்ளப்படவிருக்கும் அபிவிருத்தித் திட்டங்கள் தொடர்பில் விரிவான விளக்கம் அளிக்கப்பட்டது. இதன் பிரகாரம் இத்திட்டத்தின் கீழ் கிராமிய வீதிகள் புனரமைப்பு சிறிய மற்றும் நடுத்தர நீர்ப்பாசனத் திட்டங்கள் கிராமிய குடிநீர் வழங்கல் பாடசாலை மற்றும் பொதுக் கட்டிடங்கள் புனரமைப்பு பொதுச் சந்தை கிராமிய சுகாதார நிலையங்கள் வைத்தியசாலைகள் உரக் களஞ்சியம் நெற்களஞ்சியம் தபாற்கந்தோர் அலுவலகங்கள் போன்றவற்றின் கட்டிடங்கள் புனரமைப்பு நிர்வாகக் கட்டிடங்கள் பலநோக்குக் கூட்டுறவுச் சங்கங்களின் கட்டிடங்கள் விதைக் களஞ்சியம் நிர்வாக அலுவலக உத்தியோகத்தர்களுக்கான கட்டிடங்கள் புனரமைப்பு வாழ்வாதார மேம்பாட்டுத் திட்டங்கள் மலசல கூடங்கள் புனரமைப்பு உட்பட பல்வேறு திட்டங்கள் முன்னெடுக்கப்படவுள்ளன. இந்நிலையில் மீள்குடியேற்ற பகுதிகள் பொது மற்றும் அரச காணிகள் அடங்கிய பகுதிகள் நன்னீர் மீன்பிடிப்பதற்கு உகந்த பகுதிகள் இறால் மற்றும் நண்டு வளர்ப்பிற்கு உகந்த பகுதிகள் என்பவற்றை அவ்வப் பிரதேச வரைபடங்களில் குறித்து சமர்ப்பிக்கும்படி அமைச்சர் அவர்கள் பிரதேச செயலாளர்களுக்கு பணிப்புரை வழங்கினார். இம் மாநாட்டில் ஈ.பி.டி.பி. பாராளுமன்ற உறுப்பினர் சில்வேஸ்திரி அலென்ரின் (உதயன்) யாழ் அரச அதிபர் யாழ் மாநகர முதல்வர் வாழ்நாள் பேராசிரியர் பாலசுந்தரம்பிள்ளை உட்பட அரச அதிகாரிகள் பலரும் கலந்து கொண்டனர்.

சீனாவுக்கு 'ஷாக்' நியூஸ்..ரூ.50,000 கோடிக்கு 'டஸ்ஸால்ட் ரபேல்' போர் விமானங்களை வாங்கும் இந்தியா!

2012-01-31T11:34:00.001-08:00

பிரான்ஸைச் சேர்ந்த டஸ்ஸால்ட் ஏவியேஷன் நிறுவனத்திடமிருந்து ரூ. 50,000 கோடி மதிப்பிலான 126 அதி நவீன டஸ்ஸால்ட் ரபேல் ரக போர் விமானங்களை இந்திய விமானப்படை வாங்கவுள்ளது. இந்திய விமானப்படை மிகப் பெரிய தொகைக்கு வெளிநாட்டுப் போர் வி்மானங்களை வாங்கவிருப்பது இதுவே முதல் முறை . மேலும் உலகின் மிகப் பெரிய பாதுகாப்பு கொள்முதல் இது என்பது குறிப்பிடத்தக்கது.அடுத்த பத்து ஆண்டுகளில் இந்த விமானங்கள் இந்தியாவுக்கு கையளிக்கப்படும். டஸ்ஸால்ட் ரபேல் போர் விமானங்கள் மிகவும் நவீனமானவை. இந்திய விமானப்படைக்கு இந்த போர் விமானங்கள் மிகப் பெரிய பலத்தை அளிக்கும் என்பதால் இந்த டீல் பெரும் பரபரப்பை ஏற்படுத்தியுள்ளது.
அடுத்த நிதியாண்டில் இந்த ஒப்பந்தம் இறுதி வடிவம் பெற்று கையெழுத்தாகும். முதல் கட்டமாக 18 விமானங்களை டஸ்ஸால்ட் நிறுவனம் தயாரித்து வழங்கும். மீதமுள்ள 118 வி்மானங்களை இந்தியாவைச் சேர்ந்த ஒரு நிறுவனத்துடன் இணைந்து டஸ்ஸால்ட் ஏவியேஷன் தயாரித்து அளிக்கும்.உலகின் மிகப் பெரிய பாதுகாப்பு ஒப்பந்தமாக மாறியுள்ள இதைப் பெற ரஷ்யாவின் மிக்-35, லாக்கீட் மாட்டினின் எப்-16 பால்கன், போயிங்கின் எப் 18 ஹார்னட், ஸ்வீடனின் சாப் கிரிப்பன், ஐரோப்பிய போர் விமானமான டைபூன் மற்றும் டஸ்ஸால்ட் ரபேல் ஆகியவற்றுக்கிடையே கடும் போட்டி நிலவியது. இறுதியில் ரபேல் வென்றுள்ளது.ஈரோபைட்டர் எனப்படும் டைபூன் போர் விமானத்தை ஸ்பெயின், இத்தாலி, ஜெர்மனி, இங்கிலாந்து ஆகியவை இணைந்து தயாரிக்கின்றன. இந்த நான்கு நாடுகளின் அரசுகளும் இந்திய விமானப்படையின் ஒப்பந்தத்தைப் பெற கடுமையாக முயன்று வந்தன. அதேசமயம், டஸ்ஸால்ட் ரபேல் போர் விமானத்திற்கு பிரான்ஸ் அரசு தீவிர ஆதரவு தெரிவித்து செயல்பட்டது.கடந்த ஆண்டு நவம்பர் 4ம் தேதி இறுதியாக இந்த இரண்டு நிறுவனங்களை மத்திய பாதுகாப்புத்துறை ஒப்பந்தப் பரிசீலனையில் வைத்தது. இதில் டஸ்ஸால்ட் ரபேல் விமானங்களின் விலை டைபூனை விட குறைவாக இருந்ததாலும், அதன் துல்லியம் சிறப்பாக இருந்ததாலும், பிரான்ஸ் நிறுவனத்திற்கு தற்போது அடித்துள்ளது யோகம்.மிராஜைத் தந்ததும் டஸ்ஸால்ட்தான்இந்திய வி்மானப் படைக்கும், டஸ்ஸால்ட் நிறுவனத்திற்கும் இடையிலான தொடர்பு புதிதல்ல. ஏறக்குறைய 20 ஆண்டுகளுக்கு முன்பு இதே நிறுவனம்தான் மிராஜ் 2000 விமானத்தை இந்தியாவுக்குக் கொடுத்தது. இந்தியாவின் மிகச் சிறந்த போர் விமானங்களில் ஒன்று மிராஜ்தா என்பது குறிப்பிடத்தக்கது.தற்போது டஸ்ஸால்ட் ரபேல் போர் விமானங்கள் இந்திய விமானப்படையில் சேரும்போது இந்திய விமானப்படையின் பலம் பலமடங்கு அதிகரிக்கும் என்பதில் சந்தேகமில்லை.நிச்சயம் சீனாவுக்கு இது கசப்பான செய்திதான்..!

மட்டு. போதனா வைத்தியசாலை தாதியர் பணி பகிஷ்கரிப்பு

2012-01-31T08:33:00.000-08:00

கிழக்கின் ஓரே ஒரு போதனா வைத்தியசாலையான மட்டு. போதனா வைத்தியசாலை தாதியர்கள் இன்று நண்பகல் பணி பகிஷ்கரிப்பில் ஈடுபட்டனர். போராட்டம் பல மணி நேரம் தொடர்ந்தது.
இதனால் வைத்தியசாலைப் பணிகள் பாதிப்படைந்தன. தாதியர் சீருடை கொடுப்பனவு அதிகரிப்பு உட்பட பல்வேறு கோரிக்கைகளை முன்வைத்தே இப்போராட்டம் நடத்தப்பட்டதாக தாதியர்கள் தெரிவித்தனர். பதாதைகளை ஏந்திய வண்ணம் பெருமளவிலான தாதியர்கள் கலந்து கொண்டு ஆர்ப்பாட்டத்தில் ஈடுபட்டிருந்தனர்.

வெள்ளவத்தை பொதுச் சந்தை

2012-01-31T07:34:00.001-08:00

வெள்ளவத்தையில் புதிதாக நிர்மாணிக்கப்பட்டுள்ள பொதுச் சந்தை மற்றும் நான்கு மாடி வாகன தரிப்பிடம் ஆகியன இன்று செவ்வாய்க்கிழமை திறந்துவைக்கப்பட்டன.
இந்நிகழ்வில் ஜனாதிபதி மஹிந்த ராஜபக்ஷ, கொழும்பு மேயர் ஏ.ஜே.எம்.முஸம்மில் மற்றும் கொழும்பு மாநகர சபையின் எதிர்க்கட்சி தலைவர் மிலிந்த மொரகொட உள்ளிட்ட பலர் கலந்துகொண்டனர்(படங்கள்: சுதத் சில்லா)

கனடாவுக்கு செல்ல முயன்ற 200 இலங்கை தமிழர்கள் டோகோ தடுப்பு முகாம்களில்

2012-01-31T07:17:00.001-08:00

சட்டவிரோதமாக கனடாவுக்கு செல்ல முயன்ற பெண்கள் மற்றும் குழந்தைகள் உட்பட இருநூற்றுக்கும் மேற்பட்ட இலங்கையர்கள், மேற்கு ஆபிரிக்க நாடான டோகோவிலுள்ள தடுப்பு முகாமொன்றில் தடுத்து வைக்கப்பட்டுள்ளனர்.இவர்களில் சிலர் சர்வதேச புலம்பெயர்ந்தோர் அமைப்பினூடாக இலங்கைக்குத் திரும்பியதையடுத்து இத்தகவல் வெளியாகியுள்ளது.
'டோகோ' நாட்டின் தலைநகரான 'லோமோ'விலுள்ள தடுப்பு முகாமொன்றிலேயே இவர்கள் தடுத்துவைக்கப்பட்டுள்ளனர் என்று அம்முகாமிலிருந்து நாடு திரும்பிய ஒருவர் தெரிவித்தார்.அவர் தெரிவித்த தகவலின்படி, சுமார் 200 இலங்கையர்கள் டோகோ நாட்டில் தங்கியிருப்பதற்கான விஸா முடிவடைந்த நிலையில் அந்நாட்டு பொலிஸ் மற்றும் குடிவரவு குடியகல்வு அதிகாரிகளினால் கடந்த நவம்பர் மாதம் 20ஆந் திகதி அதிகாலை அவர்கள் தங்கியிருந்த ஐந்து வீடுகள் சுற்றிவளைக்கப்பட்டபோது கைது செய்யப்பட்டுள்ளார்கள் என்றும் அவர் கூறினார்.இது தொடர்பில் அவர் மேலும் தெரிவிக்கையில், 'கனடாவில் சட்ட ரீதியான வேலைவாய்ப்பு பெறுவதற்கெனக் கூறி கடந்த செப்டெம்பர் 28ஆம்; திகதி கட்டுநாயக்கா விமான நிலையத்திலிருந்து நாம் புறப்பட்டோம். எமது குழுவில் ஐந்து பேர் இடம்பெற்றிருந்தனர்.விமான நிலையத்தில் வைத்தே கடவுச்சீட்டு, மற்றும் பயணச்சீட்டு உட்பட பயண ஆவணங்களை பயண முகவர் சமர்ப்பித்தார். டோகோ நாட்டிற்கு சுற்றுலா விஸாவில் சென்று அங்கிருந்து கனடாவுக்கு பயணம் செய்யலாம்' எனக் கூறப்பட்டது.டோகோவை சென்றடைந்தபோது விமான நிலையத்தில் அந்நாட்டுப் பிரஜையுடன் எமது நாட்டைச் சேர்ந்த ஒருவரும் எங்களை வரவேற்று கடவுச்சீட்டை பெற்று ஒரு வாரகால விஸா பெற்றுத்தந்த பின்பு அந்நாட்டு பிரஜையிடம் எம்மை ஒப்படைத்தார்.அவர் எம்மை வீடொன்றில் தங்கவைத்தார். இன்னும் பலர் அங்கு தங்கியிருப்பதை அங்கு சென்றபின் அறிந்தோம். எமக்குப் பின்னரும் மேலும் பலர், குடும்பமாகவும் தனியாகவும் வந்துகொண்டிருந்தார்கள்.நாம் இருந்த ஐந்து வீடுகள் சுற்றிவளைக்கப்பட்டபோது 10 மாத குழந்தை உட்பட மேலும் சில குழந்தைகள், பெண்கள் என 209 பேர் கைதுசெய்யப்பட்டு குறித்த தடுப்பு முகாமிற்கு அழைத்துச் செல்லப்பட்டோம். இவர்களில் நான்கு முஸ்லிம்களைத் தவிர ஏனையோர் தமிழர்கள். மூன்று மாதம் தொடக்கம் ஒரு வருடத்திற்குமேல்வரை அவர்கள் அந்த வீடுகளில் தங்கியிருந்தார்கள் என எங்களால் அறிய முடிந்தது.பிரதான முகவரை எமக்குத் தெரியாது. ஆனால், அவரது ஆட்களை தெரியும். கனடாவுக்கான பயணம் இப்படி தாமதிப்பது குறித்து கேட்டால் விமானத்தில் அல்ல, கப்பலில்தான் பயணம் எனக் கூறப்பட்டது. கானா நாட்டினூடாக பயணம் இடம்பெறும். இதற்காக கப்பல் வாங்கப்பட்டுள்ளது. ஆயிரம் பேர் சேரும்வரை காத்திருக்க வேண்டும் என கூறுவார்கள். நாங்கள் நாடு திரும்புகிறோம் என்று கூறினால் மிரட்டுவார்கள்.நாங்கள் வெளியே நடமாட முடியாதவாறு வீடுகளில் தங்கவைக்கப்பட்டிருந்தோம். போதிய அடிப்படை வசதிகள் இல்லை. போதிய உணவு இல்லை. சாப்பிடுவோம். குழந்தைகள் உட்பட பலர் நோயினால் பீடிக்கப்பட்டிருந்தாலும் போதிய மருத்துவ வசதிகள் இல்லை. பொதுவாக அங்கு மலேரியா காய்ச்சல் பெரும் பிரச்சினையாக உள்ளது.தற்போது தடுத்து வைக்கப்பட்ட இடத்தில்கூட இப்படியான பிரச்சினைகள் உள்ளன. அந்த இடம் கைவிடப்பட்ட இராணுவ முகாம். இப்போது குதிரைகள் கட்டுமிடம். வெயிலிலும் பனியிலும் தடுத்துவைக்கப்பட்டுள்ளவர்கள் கஷ்டப்படுகிறார்கள்.ஒரு மாதத்திற்கும் மேலாக தடுத்துவைக்கப்பட்டிருந்த நாங்கள் தொடர்ந்தும் அங்கு தங்கியிருக்க முடியாத நிலையில் ஆர்ப்பாட்டங்களில் ஈடுபட்டோம். அந்நாட்டில் சர்வதேச மனிதாபிமான அமைப்புகள் இல்லை. அது வறிய நாடு ஆகும். சர்வதேச செஞ்சிலுவைச் சங்கம், சர்வதேச புலம்பெயர்ந்தோர் அமைப்பு ஆகியவற்றின் உதவிக்கு குரல் எழுப்பினோம்.நைஜிரியாவிலுள்ள சர்வதேச புலம்பெயர்ந்தோர் அமைப்பு பிரதிநிதியொருவர் வருகைதந்து எங்களது பிரச்சினைகளைக் கேட்டறிந்து நாடு திரும்ப விரும்புவர்களுக்கு அந்த ஏற்பாடுகளை செய்து தருவதாக அளித்த உத்தரவாதத்தின் பேரில் முதற்கட்டமாக நாங்கள் ஒன்பது பேர் நாடு திரும்பியுள்ளோம். அனேகமானோர் நாடு திரும்ப விரும்பியிருந்தாலும் முகவரிடம் செலுத்திய பணத்தை எப்படி மீளப்பெறுவதென புரியாமல் குழம்பிப்போயுள்ளனர்.பணம் கொடுக்கல் வாங்கல் தொடர்பாக ஆவணஙகள் இல்லாத காரணத்தினால் பொலிஸில் கூட இதுதொடர்பாக முறைப்பாடுகளை செய்யமுடியாத நிலையில் உள்ளோம். இந்த பயணம் தொழில் வாய்ப்புக்கான சட்ட ரீதியான பயணம் என்ற நம்பிக்கையில்தான் நான் இந்த பயணத்தை நாடினேன். இப்படி சட்டவிரோதமான ஆபத்துமிக்க பயணமென தெரிந்திருந்தால் இந்த பயணத்தை நாடியிருக்க மாட்டேன்' என்றார்.டோகோ தடுப்பு முகாமில் தங்கியிருந்து நாடு திரும்பிய மற்றொரு நபர் கூறுகையில்,'செப்டெம்பர் மாதம் விமானம் மூலம் 'டோகோ' நாட்டிற்கு அனுப்பிவைக்கப்பட்டோம். நான் அந்த நாட்டைச் சென்றடைந்து ஒருவார காலத்தின் பின்னர் என்னை கனடாவிற்கு அனுப்பிவிட்டதாக கூறி, எனது தாயையும் சகோதரியையும் இங்கிருந்து டோகோவுக்கு அனுப்பினர்.இதனை நான் அறிந்திருக்கவில்லை. வேறு இடத்தில் தங்கவைக்கப்பட்டிருந்த அவர்களுடன் ஒருவாரகாலத்தின் பின்னர் ஒரு தடவை தொலைபேசியூடாக உரையாட தொடர்பு ஏற்படுத்தி கொடுக்கப்பட்டது.சுற்றிவளைப்பின் போது கைதாகி குறித்த முகாமிற்கு அழைத்துவரப்பட்ட பின்புதான் எனது தாயையும் சகோதரியையும் நேரில் கண்டேன். அவர்களுடன் அந்த முகாமில் ஒன்றரை மாதங்களுக்கு மேலாக தங்கியிருந்த நான் இப்போ நாடு திரும்பியுள்ளேன்.எனது தாயும் சகோதரியும் நாடு திரும்ப விருப்பம் தெரிவித்திருந்தாலும் அவர்களின் சுகயீனம் காரணமாக என்னுடன் நாடு திரும்பவில்லை. அடுத்த தொகுதியினருடன் அவர்கள் நாடு திரும்புவார்கள்' என்றார்.

சிறிய நாடுகளை அமெரிக்கா தண்டிக்கிறது : ஜனாபதி மஹிந்த

2012-01-31T06:33:00.001-08:00

ஈ ரானுக்கு எதிராக அமெரிக்காவும் ஐரோப்பிய ஒன்றியம் கொண்டு வந்துள்ள தடைகளின் தாக்கங்கள் வெளித்தெரிய ஆரம்பித்துள்ளதால் இலங்கை போன்ற சிறிய நாடுகள் பெரும் கவலையடைந்துள்ளன.
இலங்கையிலுள்ள ஒரேயொரு எண்ணெய் சுத்திகரிப்பு நிலையமான சப்புகஸ்கந்த எண்ணெய் சுத்திகரிப்பு நிலையத்தில் ஈரானிய மசகு எண்ணெயை மட்டுமே சுத்திகரிக்க முடியும் என்பதால் இலங்கையானது எண்ணெய்க்கு ஏறத்தாழ ஈரானிலேயே தங்கியுள்ளது.'எமக்கு ஒரு மாற்று வழி தேவை. இறுதியில் அமெரிக்காவும், மேற்கு நாடுகளும் ஈரானையன்றி எம்மை சிறிய நாடுகளையே பாதிக்கின்றன' என ஜனாதிபதி மஹிந்த ராஜபக்ஷ கூறியுள்ளார்.இலங்கை மத்திய வங்கி ஈரானுக்கு டொலரில் கொடுப்பணவுகளை செய்யக்கூடாது என அமெரிக்க தூதுவரலாயம் எச்சரித்துள்ளதாவென மத்திய வங்கி ஆளுநர் அஜித் நிவாட் கப்ராலிடம் கேட்கப்பட்டபோது அவர் பொதுவாக 'தடைகள் பற்றி அறிவிக்கப்பட்டுள்ளது' எனக் கூறினார்.ஐ.நா.வின் தடைகளை இந்தியா மதிக்கும், அமெரிக்காவில் தடையை இந்தியா ஏற்று நடக்காது என்ற இந்தியாவின் நிலைப்பாடு போன்றவற்றை இலங்கை பின்பற்றுமா என ஜனாதிபதியிடம் கேட்டபோது இது ஆராயப்பட வேண்டிய விடயம் என கூறினார். (த.ஹிந்து)

பகடிவதையில் ஈடுபடும் ஆசிரிய பயிலுநர்களை வெளியேற்ற தீர்மானம்

2012-01-30T23:54:00.001-08:00

தேசிய கல்வியியற் கல்லூரிகளுக்கு அனுமதிக்கப்படும் புதிய மாணவர்களை பகடிவதைக்கு உட்படுத்தும் ஆசிரிய பயிலுநர்களை வெளியேற்றுவதற்கு கல்வி அமைச்சு தீர்மானித்துள்ளது.பல்கலைக்கழக மாணவர்கள் போலன்றி, இவர்களுக்கு தொழில் உத்தரவாதம் உள்ளது. பயிற்சியின் பின், இவர்கள் நிரந்தர ஆசிரியர்களாக உள்வாங்கப்படுகின்றனர் என அவர் குறிப்பிட்டார்.
"இவர்கள் மாணவர்களை சரியாக வழிப்படுத்த வேண்டியவர்கள். தமது கனிஷ்;ட தொகுதி மாணவர்களை குரூரமாக நடத்தும் இவர்களால் எப்படி முன்னுதாரணமாக இருக்க முடியும்?" என அவர் கேள்வி எழுப்பினார்.முன்பு பகடிவதையில் ஈடுபட்டவர்கள் தற்காலிகமாக நிறுத்தப்பட்டனர். இந்த முறை இவர்களை கல்லூரியிலிருந்து விலக்குவதற்கு நாம் தீர்மானித்துள்ளோம் என அமைச்சர் கூறினார்."அண்மை காலமாக தேசிய கல்வியற் கல்லூரிகளில் குரூரமான பகடிவதைகள் பல இடம்பெற்று வருவதாக எமக்கு அறிவிக்கப்பட்டுள்ளது. சில இடங்களில் புதிய மாணவர்கள் கழிவுகளை சாப்பிட நிர்ப்பந்திக்கப்பட்டுள்ளனர்.இவற்றை நாம் சகித்துக்கொள்ள முடியாது. இத்தகையவர்களை வீட்டு அனுப்பி விட வேண்டும். இதன் மூலம் அடுத்த தொகுதி மாணவர்களை கல்வியியற் கல்லூரிகளுக்கு அனுமதிக்க முடியும்" என அமைச்சர் மேலும் தெரிவித்தார்.

கதிர்காமத்தில் தற்கொலை அங்கி கண்டுபிடிப்பு

2012-01-30T23:42:00.001-08:00

கதிர்காமத்திலுள்ள விடுதியொன்றிலிருந்து தற்கொலை அங்கியொன்று கண்டெடுக்கப்பட்டுள்ளதாக கதிர்காமப் பொலிஸார் தெரிவித்துள்ளனர். இது தொடர்பில் கதிர்காமப் பொலிஸார் மேலதிக விசாரணைகளை மேற்கொண்டு வருகின்றனர்.

ஹெரோயின் கடத்திய குற்றச்சாட்டில் முச்சக்கர வாகன சாரதிக்கு மரண தண்டனை

2012-01-30T23:30:00.001-08:00

ஹெ ரோயின் போதைப் பொருளை கடத்திய குற்றத்திற்காக முச்சக்கர வாகன சாரதியொருவருக்கு கொழும்பு மேல் நீதிமன்றம் நேற்று மரண தண்டனை விதித்து தீர்ப்பளித்தது.கொழும்பு குணசிங்கபுரத்தைச் சேர்ந்த பெல்லகமகே ரலலகே சுனில் கருணாரட்ன பண்டார எனும் இந்நபர் 23.09.2007 ஆம் திகதி 6.58 கிராம் ஹெரோயினை வைத்திருந்தமை மற்றும் கடத்தியமை ஆகிய குற்றத்திற்காக அவருக்கு மேல் நீதிமன்ற நீதிபதி பத்மன் சூரசேன நேற்று திங்கட்கிழமை மரண தண்டனை விதித்தார்.குற்றம்சுமத்தப்பட்ட நபர் பௌத்தாலோக மாவத்தையில் ரூபவாஹினி கூட்டுத்தாபனத்திற்கு அருகிலுள்ள இராணுவ சோதனைச்சாவடியொன்றில் வைத்து கைது செய்யப்பட்டிருந்தார். அவரிடம் நடத்திய சோதனையின்போது காற்சட்டைப் பையில் ஹெரோயின் பார்சலொன்றை வைத்திருந்தமை கண்டுபிடிக்கப்பட்டது. அவ்வேளையில் வாகனத்தில் இருந்த பயணியொருவர் பின்னர் விடுவிக்கப்பட்டிருந்தார்.

காதுக்கடி...

2012-01-30T09:12:00.000-08:00

உலக முன்னாள் அதிபார குத்துச்சண்டை சம்பியனான எவென்டர் ஹொலிபீல்ட், இலங்கைக்கான விஜயத்தை மேற்கொண்டுள்ள நிலையில் இன்று திங்கட்கிழமை ஜனாதிபதி மஹிந்த ராஜபக்ஷவை சந்தித்தார்.
1997ஆம் ஜூன் மாதம் 28ஆம் திகதி நடைபெற்ற அதிபார குத்துச்சண்டைப் போட்டியில் உலகப்புகழ்பெற்ற அதிபார குத்துச்சண்டை வீரர் மைக் டைசனினால் ஹொலிபீல்டின் காது கடித்து துப்பப்பட்டது. இந்நிலையில் இலங்கைக்கு வந்துள்ள ஹொலிபீல்ட்டின் கடிபட்ட காதினை ஜனாதிபதி உன்னிப்பாக கவனிப்பதை படத்தில் காணலாம்

'ஐ.எம்.எவ். கடனின் கடைசி கொடுப்பனவை இலங்கை பெற்றுக்கொள்ளாது'

2012-01-30T08:00:00.001-08:00

நாணயமாற்று வீத கொள்கை தொடர்பாக சர்வதேச நாணய நிதியத்துடன் (ஜ.எம்.எவ்) முரண்பாடுகளை கொண்டிருக்கும் இலங்கை, சர்வதேச நாணய நிதியம் அங்கீகரித்த 2.6 மில்லியன் கடனின் கடைசி கொடுப்பவாக 800 மில்லியன் டொலரை பெற்றுக்கொள்ள மாட்டாது என மத்திய வங்கி ஆளுநர் திங்கட்கிழமை கூறினார். இந்த கடனுக்கு உயர் வட்டிவீதம் அறவிடப்படுவதே இதற்குக் காரணம் எனவும் அவர் கூறினார்.
நெகிழும் நாணயமாற்று வீத முறையை கடைப்பிடிக்க மத்திய வங்கி தவறிய பின் செப்டெம்பரில் விடுவிக்கப்பட வேண்டிய எட்டாவது தவனை கொடுப்பனவை சர்வதேச நாணய நிதியம் நிறுத்தி வைத்திருந்தது.'நாம் மேலும் கடன்படாது இருப்பின் இதுவரை பெற்ற கடனுக்கு 1.1 சதவீத வட்டி கொடுத்தால் போதுமானதாக இருக்கும். அங்கீகரிக்கப்பட்ட முழு கடனான 2.6 மில்லியன் ரூபாவையும் நாம் பெற்றுக்கொண்டால் 3.1 சதவீத வட்டியை கொடுக்க வேண்டும்' என மத்திய வங்கி ஆளுநர் அஜித் நிவாட் கப்ரால் கூறினார்.இலங்கை ரூபாவின் பெறுமதியை தக்க வைப்பதற்காக இலங்கை தன் வெளிநாட்டு கையிருப்பை செலவளித்து வந்தது. இதனை சர்வதேச நாணய நிதியம் விரும்பவில்லை.சர்வதேச நாணய நிதியம் இலங்கைப் பற்றி பாதகமான கருத்தை வெளியிடுமாயின் அது இலங்கையின் கடன்பெறும் ஆற்றலை பாதிக்கும் என பொருளிலாளர்கள் கருத்துக் கூறியுள்ளனர்.

'சுற்றுலா பயணிகளிடம் பொலிஸார் முறையற்ற விதமாக நடந்துகொண்டால் கடும் நடவடிக்கை'

2012-01-30T06:06:00.001-08:00

இ லங்கைக்கு வரும் சுற்றுலா பயணிகளுக்கு உதவுவதற்காக சுற்றுலா பொலிஸ் அலகுகளின் எண்ணிக்கையை அதிகரிப்பதற்கு பொலிஸ் திணைக்களம் தீர்மனித்துள்ளது.இலங்கைக்கு வரும் சுற்றுலா பயணிகளின் எண்ணிக்கை அதிகரித்துள்ளதன் காரணமாக இத்தீர்மானம் மேற்கொள்ளப்பட்டுள்ளது.
சுற்றுலா வலயங்களிலுள்ள பொலிஸ் நிலையங்களில் பொலிஸ் உத்தியோகஸ்தர்களின் எண்ணிக்கையை அதிகரிக்கப்படும் என பொலிஸ் ஊடகப் பேச்சளார் அஜித் ரோஹன கூறினார்.இப்பொலிஸார் சீருடைகளில் மாத்திரம் அல்லாமல் சிவில் உடையிலும் காணப்படுவார்ளக் என அவர் கூறினார். பொலிஸ் உத்தியோகஸ்தர்கள் எவரும் முறையற்ற விதமாக நடந்துகொண்டால் சட்டத்திற்கிணங்க கடும் நடவடிக்கை மேற்காள்ளப்படும் என அவர் கூறினார். இலங்கையில் விடுமுறையை கழிப்பதற்காக வந்திருந்த ஜனவரி 6 ஆம் திகதி அவஸ்திரேலிய பிரஜையான டொமி வைட் என்பவர் கந்தளாய் - கொழும்பு வீதியில் பொலிஸ் உத்தயோகஸ்தர் ஒருவரால் நிறுத்தப்பட்டார். வேகமாக வாகனம் செலுத்தியமைக்காக அப்பொலிஸ் உத்தியோகஸ்தர் தன்னிடம் 1000 ரூபா வசூலித்ததாகவும் காரை நிறுத்தாமல் சென்றதற்காக மற்றொரு 1000 ரூபாவும் நேரத்தை வீணாக்கியதற்காக 2 ரூபாவும் வசூலித்ததாக டொமி வைட் குற்றம் சுமத்தினார்.இச்சம்பவம் தொடர்பாக பொலிஸ் மா அதிபர் என். கே. இலங்ககோணுக்கும் இலஙi;க சுற்றுலா சபைத் தலைவருக்கும் டொமி வைட் எழுத்துமூலம் முறைப்பாடு செய்திருந்தமை குறிப்பிடத்தக்கது.

மீண்டும் மிரட்டும் 'ஜெனிவா'

2012-01-29T23:30:00.001-08:00

(கே. சஞ்சயன்)ஐ.நா மனித உரிமைகள் பேரவையின் கூட்டத்தொடர் பற்றிய செய்திகள் ஊடகங்களில் மீண்டும் பரபரப்பாகத் தொடங்கியுள்ளன.இதற்கு முன்னரும் பலமுறை ஜெனிவாவில் நடைபெறும் ஐ.நா மனித உரிமைகள் பேரவையின் கூட்டங்கள் தொடர்பாக பரபரப்பாக செய்திகள் வெளியாவதுண்டு.
குறிப்பாக 2009 மே மாதம் போர் முடிவுக்கு வந்த பின்னர், இது ஒரு வழக்கமான விவகாரமாகி விட்டது.

ஜெனிவா கூட்டத்தொடர் ஆரம்பிக்க சில வாரங்கள் முன்னதாகவே தொற்றிக்கொள்ளும் இந்தக் காய்ச்சல், அது முடிவுக்கு வரும் வரை விடாமல் அடித்துக் கொண்டேயிருக்கும்.
இப்போதும் அப்படித் தான், இந்தக் கூட்டத்தொடர் ஆரம்பிக்க இன்னும் கிட்டத்தட்ட 4 வாரங்கள் இருக்கின்ற போதும், அதையொட்டிய பரபரப்புக்கு குறைவேதும் இல்லாமல் கிளம்பிவிட்டது.
பெப்ரவரி 27 தொடங்கி மார்ச் 23 வரை நடக்கப் போகும் இந்தக் கூட்டத்தொடரில் இலங்கை விவகாரம் பற்றிய விவாதம் இடம்பெறுவதற்கான வாய்ப்புகள் இருப்பதாக தெரிகிறது.
இதற்கு முன்னரும் பலமுறை ஜெனிவா கூட்டத்தொடரில் அரசாங்கம் நெருக்கடியை சந்திக்கப் போகிறது என்று தகவல்கள் வெளியாகின. ஆனால் அத்தகைய சூழல்களில் இருந்து இம்முறை சற்று வித்தியாசமானது.
இதற்கு முன்னர், ஜெனிவா கூட்டத்தொடரில் போரின் இறுதிக்கட்டத்தில் இடம்பெற்ற மீறல்கள் குறித்த சர்ச்சைகள், விவாதங்கள் எழுந்த போதெல்லாம், அதனை அரசாங்கம் உள்நாட்டு பொறிமுறை மூலம் தீர்க்கப் போவதாக கூறிவந்தது.
அதாவது நல்லிணக்க ஆணைக்குழுவின் விசாரணைகள் நடத்தப்படுகிறது, அந்த அறிக்கை வெளியாகும் வரை, பொறுத்திருக்குமாறு அரசாங்கம் சமாதானம் கூறியது. ஆனால் இப்போது அந்த சாதகமான நிலைமை அரசுக்கு இல்லை.
அப்போது அரசாங்கம் வைத்து விளையாடிய பந்து இப்போது சர்வதேச சமூகத்தினது கையில், குறிப்பாக மேற்குலகின் கையில் சிக்கியுள்ளது.
நல்லிணக்க ஆணைக்குழுவின் அறிக்கையை அடுத்து வரும் ஐ.நா மனித உரிமைகள் பேரவைக் கூட்டத்தொடரில் விவாதிக்க மேற்குலகம் விரும்புகிறது. அதற்கான முயற்சிகள் எடுக்கப்பட்டு வருவதாகவும் தகவல்கள் தெரிவிக்கின்றன.
ஏற்கனவே ஐ.நா மனிதஉரிமைகள் பேரவையிடம் இலங்கை தொடர்பாக மற்றொரு அறிக்கையும் உள்ளது.
கடந்த கூட்டத்தொடரின் போது ஐ.நா பொதுச்செயலர் பான் கீ மூன் அனுப்பி வைத்த நிபுணர்குழுவின் அறிக்கையே அது.
அதுபற்றி இன்னமும் ஐ.நா மனிதஉரிமைகள் பேரவை எந்த முடிவுக்கும் வராத நிலையில் தான் நல்லிணக்க ஆணைக்குழுவின் அறிக்கை பற்றிய விவாதத்துக்கு மேற்கு நாடுகள் தயாராகி வருவதாகக் கூறப்படுகிறது.
ஏற்கனவே கடந்த ஆண்டு இறுதியில் நடந்த கூட்டத்தொடரில், இந்த அறிக்கை வெளியிடப்பட முன்னரே அதனை சமர்ப்பிக்குமாறு அமெரிக்கா கோரியிருந்தது. ஆனால் அதனை அரசாங்கம் ஏற்றுக் கொள்ளவில்லை.
தாங்கள் முதலில் அறிக்கையைப் படித்த பின்னரே அதனை பகிரங்கப்படுத்துவோம் என்று அடித்துக் கூறிவிட்டது அரசாங்கம்.
ஆனால், இப்போது அறிக்கை வெளியே வந்து விட்டது. இதனால் இந்த அறிக்கையை ஜெனிவா கூட்டத்தில் சமர்ப்பிக்கக் கோருகிறது மேற்குலகம்.
ஆனால், இலங்கை அரசாங்கமோ அதனை ஜெனிவா மாநாட்டில் விவாதத்தில் சேர்த்துக் கொள்ளத் தயாராக இல்லை.
அதனை விவாதத்துக்கு எடுத்துக் கொள்ளும் போது, அதிலுள்ள குறைபாடுகள் குறித்த ஒவ்வொரு நாட்டின் பிரதிநிதிகளும் பிய்தெறிந்து ஆராய்வர். அது இலங்கைக்குச் சாதகமற்ற நிலையை ஏற்படுத்தும்.
ஆனால் மேற்கு நாடுகள் ஒன்றும் அவ்வளவு சுலபத்தில் இந்த விடயத்தை கைவிடுவதாக இல்லை. அப்படி இந்த அறிக்கை ஜெனிவாவில் விவாதத்துக்கு எடுத்துக் கொள்ளப்பட்டால், ஏற்கனவே மனிதஉரிமைகள் பேரவையில் உள்ள ஐ.நா நிபுணர் குழு அறிக்கையையும் அது கூடவே சந்திக்கு இழுத்து வந்து விடும். அது தான் அரசாங்கத்துக்கு மிகவும் ஆபத்தான விடயம்.
நல்லிணக்க ஆணைக்குழுவின் பரிந்துரைகளை வரவேற்றுள்ள மேற்குலக நாடுகள், குற்றச்சாட்டுகளுக்குப் பொறுப்புக்கூறுதல் தொடர்பான போதியளவு பதிலளிக்கப்படவில்லை என்று அடித்துக் கூறிவிட்டன.
பொறுப்புக்கூறுதல் தான் இலங்கைக்கு பெரிய தலைவலியான விடயமாக இருந்து வருகிறது. அதுவே தான் மனிதஉரிமைகள் பேரவையிலும் முக்கியமாக அலசப்படும்.
எனவே நல்லிணக்க நடவடிக்கை சார்ந்து எதை எடுத்துக் கூறினாலும், எதைச் செய்தாலும், பொறுப்புக் கூறும் விவகாரத்தில் எந்த முன்னேற்றத்தையும் காண்பிக்காதவரை அரசாங்கத்தினால் மேற்குலக நாடுகளைத் திருப்திப்படுத்த முடியாது.
இதனால் அடுத்த மாதம் ஆரம்பமாகவுள்ள ஐ.நா மனிதஉரிமைகள் பேரவையின் 19வது கூட்டத்தொடர் அரசாங்கத்துக்கு பெரும் நெருக்கடி கொடுக்கும் ஒன்றாகவே அமையப் போகிறது. இதனை தலைவலி என்பதை விட ஒரு அக்கினிப் பரீட்சை என்றே சொல்லலாம்.
இந்த நிலையில் மேற்குலக நாடுகள் நல்லிணக்க ஆணைக்குழுவின் அறிக்கையை விவாதிப்பதற்கு அல்லது இலங்கைக்கு எதிரான தீர்மானம் எதையும் நிறைவேற்றுவதற்கு முனைந்தால், அதனைத் தடுப்பது எவ்வாறு என்று அரசாங்கம் யோசிக்க ஆரம்பித்துள்ளது.
இதன் ஒரு கட்டமாக பல்வேறு நாடுகளுக்கும் அமைச்சர்களையும் தூதுக்குழுக்களையும் அனுப்பி ஆதரவு தேடும் முயற்சிகள் தீவிரமடையப் போகின்றன.
இப்போது ஐரோப்பிய நாடுகளின் முழுமையான ஆதரவை இழந்துள்ள அரசாங்கம் இப்போது அரசாங்கம் குறிவைப்பது மத்திய கிழக்கு, ஆபிரிக்க, தென்அமெரிக்க, ஆசிய நாடுகளைத் தான். இவற்றில் அமெரிக்க எதிர்ப்புணர்வு கொண்ட நாடுகளை குறிவைத்து அரசாங்கம் காய்களை நகர்த்துகிறது.
47 உறுப்பினர்களைக் கொண்ட ஐ.நா மனிதஉரிமைகள் பேரவையில், இலங்கைக்கு எதிராக தீர்மானம் கொண்டு வரப்பட்டால், அதனை முறியடிப்பது ஒன்றும் சுலபமான காரியமில்லை.
ஈரான், சிரியா போன்றன இலங்கைக்கு ஆதரவாகவே இருந்தாலும், அமெரிக்க எதிர்ப்புணர்வு கொண்ட இந்த நாடுகளுடனான நட்பு அரசுக்கு ஆபத்தாகவும் அமைந்து விடலாம்.
எவ்வாறாயினும் இந்தமுறை ஐ.நா மனிதஉரிமைகள் பேரவைக் கூட்டம் ஒன்றும் இலங்கைக்கு சாதகமான தொன்றாக அமைவதற்கு வாய்ப்புகள் குறைவாகவே தென்படுகின்றன.
அரசாங்கம் இந்தக் கூட்டத்தொடரை வெற்றிகரமாக எதிர்கொள்வதற்கு கடுமையாக போராட வேண்டியிருக்கும். அது விடுதலைப் புலிகளுக்கு எதிரான போர் முடிவுக்கு வந்த பின்னர் என்பதை விட, இலங்கை சுதந்திரம் பெற்ற பின்னர், சர்வதேச அளவில் எதிர்கொள்ளப் போகும் உச்சக்கட்ட இராஜத்தந்திர நெருக்கடியாகக் கூட இருக்கலாம்

1000 பாடசாலைகள் திட்டம் தோல்வி: ஜே.வி.பி.

2012-01-29T23:22:00.000-08:00

அரசாங்கத்தின் 1000 பாடசாலைகள் அபிவிருத்தித் திட்டம் தோல்வியைத் தழுவியுள்ளதாக கூறியுள்ள ஜேவி.வி.பி. இத்திட்டத்தை அரசாங்கம் உடன் ரத்துச்செய்ய வேண்டும் என வலியுறுத்தியுள்ளது.இத்திட்டத்தின் மூலம் 1000 பாடசாலைகள் அபிவிருத்தி செய்யப்படுவதாக அரசாங்கம் கூறினாலும் இதற்காக பின்பற்றப்படும் முறைமைகள் ஒருவருக்கும் தெரியாது என நேற்று நடைபெற்ற செய்தியாளர் மாநாடொன்றில் ஜே.வி.பி. நாடாளுமன்ற உறுப்பினர் அனுர குமார திஸாநாயக்க கூறினார்.
இப்பாடசாலைகளைத் தெரிவு செய்வதில் சனத்தொகை அடர்த்தி, புவியியல் சூழ்நிலை, இனத்துவ பன்மை தன்மை ஆகியன கவனத்திற் கொள்ளப்பட்டனவா என அநுரகுமார திஸாநாயக்க கேள்வி எழுப்பினார்.'இவற்றில் எதுவுமே கவனத்திற்கொள்ளப்படவில்லை என்பதை நாம் அறிவோம். அரசியல்வாதிகளின் சிபாரிசின் அடிப்படையில் பாடசாலைகள் தெரிவுசெய்யப்பட்டன' என அவர் கூறினார்.எனினும் கல்வி அமைச்சர் பந்துல குணவர்தன இது தொடர்பாக கருத்துத் தெரிவிக்கையில், மேற்படி பாடசாலைகள் விஞ்ஞான ரீதியான ஆய்வுகளின்பின்னர் தெரிவுசெய்யப்பட்டவை எனவம் எனவே இத்தெரிவுமுறை குறித்து யாரும் ஆட்சேபிக்க முடியாது எனவும் கூறினார்.மொத்தமாக 6000 பாடசாலைகள் அபிவிருத்தி செய்யப்படவுள்ளதாகவும் அவர் தெரிவித்தார்."50 பேரைவிட குறைந்த மாணவர்களைக் கொண்ட 1552 பாடசாலைகள் உள்ளன. அவற்றுக்காக ஜனாதிபதி செயலகம் தனியான திட்டமொன்றை ஆரம்பித்து மாகாண சபைகளுடன் இணைந்து அமுல்படுத்தவுள்ளது. அப்பாடசாலைகள் மூடப்பட மாட்டா" என அமைச்சர் கூறினார்.

கடத்தப்பட்டதாக கூறப்பட்ட சத்தியசீலன் அச்சுவேலியில் மறைந்திருந்த போது கைது

2012-01-29T23:01:00.001-08:00

இனந்தெரியாத சிலரால் கடத்தப்பட்டதாக பொலிஸில் முறைப்பாடு செய்யப்பட்ட கொழும்பு மாநகரபை மற்றும் பல நிறுவனங்களின் மொழிபெயர்ப்பாளராக கடமையாற்றி வந்த சத்தியசீலன் பாக்கியராஜ் கடந்த 23ஆம் திகதி இரவு கைது செய்யப்பட்டதாக பொலிஸார் தெரிவித்தனர்.
யாழ். அச்சுவேலி பிரதேசத்தில் 34 வயதான சத்தியசீலன் பாக்கியராஜ் மறைந்திருந்த போதே கைது செய்யப்பட்டுள்ளார் எனவும் பொலிஸார் குறிப்பிட்டனர்.கொழும்பு மாநகரபை மற்றும் பல நிறுவனங்களின் மொழிபெயர்ப்பாளராக கடமையாற்றும் இவர், விடுமுறையை கழிப்பதற்காக திருகோணமலைக்கு சென்றபோது இனந்தெரியாதோர் சிலரால் வெள்ளை வானில் கடத்தப்பட்டதாக அவரது மனைவி திருகோணமலைஇ துறைமுகப் பொலிஸ் நிலையத்தில் கடந்த ஜனவரி 13ஆம் திகதி முறைப்பாடு செய்திருந்தார்.இதனையடுத்து, திருகோணமலை பிரிவு பிரதி பொலிஸ் மா அதிபர் ரவீந்திர வைத்தியலங்கார மற்றும் திருகோணமலை பிரிவு பொலிஸ் அத்தியட்சகர் பந்துல விஜயவர்தன ஆகியோரின் பணிப்புரைக்கமைய குற்றவியல் நடவடிக்கைகளுக்கு பொறுப்பான உதவி பொலிஸ் அத்தியட்சகர் அநுர பிரேமசந்த மேற்கொண்ட விசாரணைகளை மேற்கொண்டனர்.இதன்போது, காணாமல் போனதாக கூறப்பட்ட சத்தியசீலன் பாக்கியராஜ, அவரின் கையடக்க தொலைபேசியின் உதவியுடனேயே கைது செய்யப்பட்டுள்ளார்.தனது மனைவி மற்றும் இரு பிள்ளைகளிடம் காணாமல் போனது போன்று நடித்த பின்னர் அச்சுவேலி பிரதேச பெண்ணொருவரை திருமணம் செய்ய அவர் தயாராகியுள்ளதாக பொலிஸாரின் ஆரம்பக்கட்ட விசாரணைகளின் மூலம் தெரியவந்துள்ளதாக பொலிஸார் கூறினர்.சத்தியசீலன் பாக்கியரா திருமணம் செய்யவிருந்த பெண்மனியின் தயாரே, இது தொடர்பான வாக்குமூலத்தை அளித்துள்ளதாக பொலிஸார் தெரிவித்தனர்.இது தொடர்பான மேலதிக விசாரணைகளை திருகோணமலை துறைமுக பொலிஸ் நிலைய பொறுப்பதிகாரி உபாலி பி.நவரம்பாவனவின் அறிவுறுத்தலுக்கிணங்க பொலிஸ் இன்ஸ்பெக்டர் கே.எம்.நந்தல மற்றும் ஐ.சுரேஷ் குமார் ஆகியோர் மேற்கொண்டு வருகின்றனர்.தொடர்புடை செய்தி:

மகளை விபசாரத்தில் ஈடுபடுத்திய தாய் கைது

2012-01-29T22:50:00.001-08:00

தனது இரு மகள்களை விபசார நடவடிக்கையில் ஈடுபடுத்திய குற்றச்சாட்டின் கீழ் தாய் உட்பட மூவரை நாவலப்பிட்டி பொலிஸார் நேற்று சனிக்கிழமை கைது செய்துள்ளனர்.
இரு பெண் பிள்ளைகளை விபசார நடவடிக்கையில் ஈடுபடுத்திய குற்றச்சாட்டின் பேரில் குறித்த தாயும் இப்பெண் பிள்ளைகளை பாலியல் துஷ்பிரயோகம் செய்த குற்றச்சாட்டின் பேரில் இரு சந்தேக நபர்களையுமே நாவலப்பிட்டி பொலிஸார் கைது செய்துள்ளனர்.குறித்த இரு பிள்ளைகளும் 15 மற்றும் 17 வயது உடையவர்கள் என பொலிஸார் தெரிவித்தனர். இது தொடர்பான மேலதிக விசாரணைகளை நாவலப்பிட்டி பொலிஸார் மேற்கொண்டு வருகின்றனர்.

நாடாளுமன்ற தெரிவுக்குழுவே தீர்வு பற்றி தீர்மானிக்கும்: ஜனாதிபதி

2012-01-29T22:44:00.001-08:00

இந்தியாவுடன் 13ஆவது திருத்தச்சட்டம் குறித்து கலந்துரையாடியுள்ளபோதிலும், அரசியல் தீர்வு பற்றிய இறுதி முடிவினை நாடாளுமன்ற தெரிவுக்குழுவே தீர்மானிக்கும் என ஜனாதிபதி மஹிந்த ராஜபக்ஷ தெரிவித்தார்.
இன்று திங்கட்கிழமை காலை அலரிமாளிகையில் நடைபெற்ற பத்திரிகை ஆசிரியர்களுடனான சந்திப்பின்போதே அவர் இதனைக் கூறினார்.நாடாளுமன்ற தெரிவுக்குழுவில் அங்கத்துவர்களை இணைத்துக்கொள்வது தொடர்பாக அனைத்துக்கட்சி உறுப்பினர்களையும் விரைவில் சந்தித்து கலந்துரையாடவுள்ளதாகவும் ஜனாதிபதி மேலும் குறிப்பிட்டார்.

புலிகளின் முன்னாள் போராளிகள் பொலிஸ் சேவையில் இணையும் வாய்ப்பு

2012-01-28T08:42:00.001-08:00

த மிழீழ விடுதலைப் புலிகளின் புனர்வாழ்வளிக்கப்பட்ட முன்னாள் போராளிகள் தேவையான கல்வி மற்றும் ஏனைய தகைமைகளைக் கொண்டிருந்தால் அவர்கள் இலங்கை பொலிஸ் சேவையில் இணைந்து கொள்வதற்கான வாய்ப்பை அரசாங்கம் வழங்கியுள்ளது என அதிகாரிகள் தெரிவித்துள்ளனர்.
யுத்தத்தின் இறுதிக்கட்டத்தில் புலிகளின் சுமார் 11,000 போராளிகள் இராணுவத்தினரிடம் சரணடைந்தனர். இவர்களில் சுமார் 10,000 பேர் புனர்வாழ்வளிக்கப்பட்டு சமூகத்தில் ஒன்றிணைக்கப்பட்டுள்ளனர்.இப்போராளிகள் விரும்பினால் அவர்கள் பொலிஸஸில் இணைந்துகொள்ளலாம் என புனர்வாழ்வு ஆணையாளர் நாயகம் மேஜர் ஜெனரல் சந்தன ராஜகுரு, தமிழ் மிரரின் சகோதர ஆங்கில இதழான டெய்லி மிரருக்குத் தெரிவித்தார்."பொலிஸ் திணைக்களம், அவர்களுக்கான வாய்ப்பை திறந்துள்ளது. இது சமூகத்தில் இணைந்த மேற்படி அங்கத்தவர்களுக்கும் பொலிஸ் திணைக்களத்துக்கும் இடையிலான விடயம். நாம் புனர்வாழ்வளிக்கும் துறையினர் என்ற வகையில் நாம் இதில் சம்பந்தப்படவில்லை" என அவர்கூறினார்.சுமார் 1000 முன்னாள் போராளிகளுக்கு தற்போது பல்வேறு நிலையங்களில் புனர்வாழ்வளிக்கப்படுவதாக அவர் தெரிவித்தார்.இதேவேளை பொலிஸ் பேச்சாளர் அஜித் ரோஹனவிடம் கருத்து கேட்டபோது, புனர்வாழ்வளிக்கப்பட் போராளிகள் பொலிஸ் சேவையில் இணைந்துகொள்வதற்கான வாய்ப்பு உள்ளதை உறுதிப்படுத்தினார்."அவர்கள் இப்போது சமூகத்தில் ஒன்றிணைக்கப்பட்டவர்கள். அவர்களுக்கு நாம் பாரபட்சம் காட்டமுடியாது. அவர்களுக்கு போதிய கல்வித் தகுதியிருந்தால் அவர்கள் மீது கிரிமினல் குற்றச்சாட்டுகள் இல்லாதிருந்தால் பொலிஸ் சேவையில் இணைவதற்கு விண்ணப்பிக்கலாம்"எனவும் பொலிஸ் பேச்சாளர் தெரிவித்தார்.எனினும், இதுவரை புலிகளின் முன்னாள் போராளிகள் எவரும் பொலிஸ் சேவையில் சேர்த்துக்கொள்ளப்படவில்லை எனவும் அவர் தெரிவித்தார்.

கொலைக்காரர்களாக நடித்து, பணம் கோரி மிரட்டிய 17 வயது மாணவர்கள் கைது

2012-01-28T07:53:00.001-08:00

தாம் பாதாள உலகக் குழு அங்கத்தவர்கள் எனவும் செல்வந்த வர்த்தகர் ஒருவரின் மகனை கொலை செய்வதற்கு நியமிக்கப்பட்டுள்ளதாகவும் கூறிக்கொண்டு அவ்வர்த்தகரிடம் பணம் கேட்டு மிரட்டிய பாடசாலை மாணவர்களான 17 வயது இளைஞர்கள் இருவரை கல்கிஸை பொலிஸார் கைது செய்துள்ளனர்.
சர்வதேச பாடசாலையொன்றின் மாணவரான, மேற்படி வர்த்தகரின் மகனை கொல்வதற்காக தாம் 50 லட்சம் ரூபா பெறுமதியான ஒப்பந்தத்தில் உள்ளதாகவும் வர்தகரிடமும் அவரின் மனைவியிடமும் மேற்படி இளைஞர்கள் தொலைபேசி மூலம் தெரிவித்துள்ளனர். தமக்கு 3 லட்சம் ரூபா வழங்கப்பட்டால் வர்த்தகரின் 15 வயது மகனுக்கு தீங்கேதும் செய்யாமலிருக்கத் தயார் என மேற்படி இளைஞர்கள் கூறியதாக முறைப்பாடு செய்யப்பட்டது.இதையடுத்து மொரட்டுவையிலுள்ள முன்னிலை பாடசாலையொன்றில் பயிலும் மாணவர்களான மேற்படி இரு இளைஞர்களையும் பொலிஸார் கைது செய்தனர். இம்மாணவர்கள் க.பொ.த. சாதாரணத் தரப் பரீட்சை எழுதிவிட்டு பெறுபேற்றுக்காக காத்திருப்பவர்கள் எனத் தெரியவந்துள்ளது.இவர்களில் ஒருவர் ஜேர்மனியில் நடைபெற்ற 1500 ஓட்டப்போட்டியில் தனது பாடசாலை சார்பாக பங்குபற்றியவர் எனத் தெரிவிக்கப்படுகிறது.பொலிஸாரின் அறிவுறுத்தலின் பேரில் இப்பெற்றோர், லுனாவையிலுள்ள இடமொன்றில் பணத்தை பெறுவதற்கு வருமாறு மேற்படி இளைஞர்களை அழைத்தனர். இவ்விளைஞர்கள் அங்கு வந்தபோது பொலிஸாரால் கைது செய்யப்பட்டனர்.

தமிழ் மக்களையும் சர்வதேசத்தையும் ஏமாற்றும் அரசுடன் ஒத்துப்போக முடியாது

2012-01-28T07:45:00.001-08:00

சமூகத்தையும் ஏமாற்றிக் கொண்டிருக்கின்ற அரசாங்கத்துடன் ஒத்துப் போகவே முடியாது என்று தமிழ்த் தேசியக் கூட்ட மைப்பு தெரிவித்துள்ளது. அரசியலமைப்பிலுள்ள விடயங்களை நடைமுறைப் படுத்துவதால் நாட்டில் பிரச்சினைகள் அதிகரிக்கும் என்று கூறுவது முட்டாள்தனமானதும் சிறுபிள்ளைத்தனமானதுமான விடயமாகும் என்று தெரிவித்துள்ள
தமிழ்த் தேசியக் கூட்டமைப்பு பிரச்சினைகளைத் தீர்த்து நாட்டை முன்னேற்ற வேண்டும் என்ற உண்மையான நோக்கமும் அக்கறையும் அரசுக்கு இருக்குமேயானால் உடனடியாக கூட்டமைப்புடனான பேச்சுவார்த்தைகளை முன்னெடுத்து அரசியலமைப்பில் கூறப்பட்டுள்ள விடயங்களை நடைமுறைப்படுத்த வேண்டும் என்றும் வலியுறுத்தியுள்ளது.செனற் சபை என்றால் என்ன? அதனூடாக அரசாங்கம் எதனை சாதிக்கப் போகின்றது என்றும் கூட்டமைப்பு கேள்வியெழுப்பியுள்ளது.தேசிய பிரச்சினைக்கு தீர்வு விடயத்தில் அரசாங்கம் கொண்டிருக்கின்ற நிலைப்பாடு தொடர்பில் கருத்து வெளியிடுகையிலேயே தமிழ்த் தேசியக் கூட்டமைப்பின் பேச்சாளரும் யாழ். மாவட்ட எம்.பி.யுமான சுரேஷ் பிரேமச்சந்திரன் மேற்கண்டவாறு தெரிவித்தார்.அவர் மேலும் கூறுகையில், அரசியலமைப்புச் சட்டமானது நாட்டின் தேவை கருதி உருவாக்கப்பட்ட மூலச்சட்டமாகும். இது அவ்வப்போது திருத்தங்களுக்கும் உட்பட்டு ஏற்றுக்கொள்ளப்படுகின்றது.இதுவரையில் எமது நாட்டு அரசியலமைப்பில் 18 தடவைகள் திருத்தங்கள் உள்வாங்கப்பட்டுள்ளன.ஜனாதிபதியானாலும் சரி அமைச்சர்களானாலும் சரி எவராக இருந்தாலும் தாம் பதவிப் பிரமாணம் செய்து கொள்கின்ற சந்தர்ப்பத்தில் நாட்டின் அரசியலமைப்பினைப் பேணிப் பாதுகாப்பதாகவும் அதன் பிரகாரம் ஒழுகுவதாகவும் கூறியே பதவிக்கு வருகின்றனர். அமைச்சர் கெஹெலிய இதற்கு விதிவிலக்காகி விட முடியாது. இவ்வாறு சத்தியப்பிரமாணம் செய்து கொண்டுதான் இருவரும் அமைச்சராகவுள்ளனர். எனவே ஜனாதிபதிக்கும் அமைச்சர்களைக் கொண்ட அமைச்சரவைக்கும் அரசியலமைப்புச் சட்டம் தொடர்பில் கடமையும் பொறுப்பும் இருப்பதை மறந்துவிட முடியாது.கடந்த 20 வருடங்களுக்கு முன்னர் இலங்கை அரசினால் ஏற்றுக்கொள்ளப்பட்டு அரசியலமைப்பில் உள்வாங்கப்பட்டது தான் 13ஆவது திருத்தமாகும். அவ்வாறு ஏற்றுக்கொள்ளப்பட்டதான திருத்தத்தை தவறானது என்றோ பிழையானது என்றோ கூற முடியாது. அத்துடன் மூலச் சட்டத்தில் ஏற்றுக்கொள்ளப்பட்ட விடயத்தை நடைமுறைப்படுத்துவதால் நாட்டில் குழப்பம் இல்லாவிட்டால் பிரச்சினை ஏற்படும் என்று கூறுவதானது முட்டாள் தனமானதும் சிறுபிள்ளைத்தனமானதுமான கருத்தாகும். அத்துடன் இது தவறான அதே நேரம் ஏற்கத்தகாத முன்னுதாரணமாகவும் இருக்கின்றது.உலகில் இல்லாத எந்தவொரு புதுமையான விடயத்தையும் தமிழ்த் தேசியக் கூட்டமைப்பு கேட்டுவிடவில்லை. உலகின் பல நாடுகளில் உள்ள மாதிரியான அதிகாரங்கள் தொடர்பிலேயே கோரிக்கைகளை முன் வைக்கின்றோம். காணி, பொலிஸ் அதிகாரங்கள் என்பன பல நாடுகளில் பகிரப்பட்டிருக்கின்றன. அந்த நாடுகளில் எந்தப் பிரச்சினையும் இல்லை. அந்த வகையில் வடக்கு கிழக்கிற்கு நாம் அதிகாரங்களை எதிர்பார்க்கின்றோம். இவ்விடயத்தில் ஜனாதிபதியும் அமைச்சர்களும் பல்வேறு கருத்துக்களை வெளியிட்டு வருகின்றனர். இது விளையாட்டுத்தனமாகும். காணி, பொலிஸ் அதிகாரங்கள் பகிரப்பட்டால் மாத்திரமே மாகாண சபைகள் முழுமை பெறுவதாய் அமையும். இல்லையேல் மாகாண சபை முறைமைகளில் அர்த்தம் இருக்காது.தற்போதைய நிலைவரங்களின் பிரகாரம் காணி, பொலிஸ் அதிகாரங்கள் பகுதி பகுதியாகவே இருக்கின்றன. இவ்வாறு உள்ள அதிகாரங்கள் எவ்வேளையிலும் மத்திய அரசாங்கத்தினால் மீளப் பெற்றுக் கொள்ளப்படலாம். அவ்வாறு நிகழாது இருப்பதற்குத்தான் இந்த அதிகாரங்கள் முழுமையாக நடைமுறைப்படுத்தப்பட வேண்டும் என்று கேட்கின்றோம். இதனை வலியுறுத்தியே இதுவரையில் பேச்சுக்களையும் நடத்தி வந்தோம். 1987இல் இலங்கை இந்திய ஒப்பந்தம் கைச்சாத்திடுவதற்கு முன்பதாகவே இந்திய முன்னாள் பிரதமர் அமரர் ராஜீவ்காந்தி எமது தமிழ்த் தலைவர்களுடன் பேச்சு நடத்தி வடக்கு,கிழக்கிற்கான காணி மற்றும் பொலிஸ் அதிகாரங்கள் பெற்றுக் கொடுக்கப்படும் என உறுதியளித்திருந்தார். எனவே 13ஆவது திருத்தம் முற்றாக அமுல்படுத்தப்பட வேண்டும். இன்று அரசு 13 பிளஸ் என்று கூறித் திரிகின்றது. அத்துடன் அதிகாரங்களை வழங்க முடியாது என்றும் கூறுகின்றது.13 பிளஸ் என்கின்ற அர்த்தமானது நாம் ஏற்கெனவே கூறியது போன்று 13 ஆவது திருத்தம் மேம்படுத்தப்பட வேண்டும். அதேபோல் மத்திய அரசாங்கத்தினால் மீளப் பெற்றுக் கொள்ள முடியாதவாறு அதிகாரங்கள் அமுல்படுத்தப்படுவதற்கான வரைவுகள் ஏற்படுத்தப்பட வேண்டும் என்பதேயாகும்.இதனை இல்லாது செய்வதற்காகவே செனற் சபை என்ற தெளிவற்ற திட்டத்தை அரசு கொண்டு வருகின்றது. செனற் சபை என்றால் என்ன என்றும் அதனால் சாதிக்கப் போவது என்ன என்பதும் இதுவரையில் விளங்கிக் கொள்ள முடியாத ஒன்றாக இருக்கின்றது. இதனை சுருக்கமாகக் கூறின் இது ஓர் ஏமாற்றுத்தனமாகும். தமிழ் மக்களை மட்டுமல்லாது இந்தியாவையும் சர்வதேசத்தையும் ஏமாற்றுவதற்கான திட்டமே இந்த செனற் சபையாகும்.நாடு அபிவிருத்தியடைய வேண்டும் என்பதில் நாம் அக்கறையாக இருக்கின்றோம். எனினும் அரசாங்கத்தின் இந்த சூழ்ச்சிகரமான திட்டங்களுடன் ஒத்துப்போக தமிழ் மக்கள் தயாரில்லை. இதுவரை கால போராட்டங்களும் நீண்ட கால எதிர்பார்ப்புகளும் இதற்கானதல்ல. நாடு அபிவிருத்தியடைய வேண்டும் என்றும் தமிழ் மக்களின் பிரச்சினைகள் தீர்க்கப்பட வேண்டும், தீர்வு ஒன்று பெற்றுக் கொடுக்கப்பட வேண்டும் என்றும் அரசுக்கு உண்மையான நோக்கமும் அக்கறையும் இருக்குமானால் தமிழ்த் தேசியக் கூட்டமைப்புடனான பேச்சுவார்த்தைகளை இதய சுத்தியுடன் முன்னெடுத்து தீர்வுக்கு வழி வகுக்க வேண்டும் என்றார்.

கொலை வழக்கில் ராவணன்- பல மணி நேரமாக விசாரணை- பல்லடம் கோர்ட்டில்

2012-01-27T12:00:00.001-08:00

சசிகலாவின் நெருங்கிய உறவினரான ராவணன் கைது செய்யப்பட்டிருப்பது கிட்டத்தட்ட உறுதியாகி விட்டது. அவர் சாதாரண வழக்கில் சிக்கவில்லையாம், மாறாக கொலை வழக்கில் சிக்கியுள்ளதாக கூறப்படுகிறது. அவரை ரகசிய இடத்தில் வைத்து கோவை போலீஸார் விசாரித்து வருவதாகவும் தகவல்கள் கூறுகின்றன.
மன்னார்குடியைச் சேர்ந்த ராவணன், சசிகலாவின் சித்தப்பா மகளைத் திருமணம் செய்தவர். அந்த வகையில், சசிகலாவுக்கு இவர் தங்கை கணவர் ஆவார். கோவையில் வசித்து வரும் ராவணன், இங்கிருந்தபடி கொங்கு மண்டல அதிமுகவை ஆட்டிப் படைத்து வந்தார்.அதிமுகவில் இவரது ஆட்டம் அதிகமானது சமீ்ப காலத்தில்தான். கடந்த சில ஆண்டுகளாக இவர் போட்ட ஆட்டத்தால் அதிமுகவினர் கடும் எரிச்சலில் இருந்தனர். ஆனால் சசிகலாவின் ஆதரவால் எதிர்ப்பாளர்களை நசுக்கி வந்தார்.அரசுப் பணியிடங்களில் இடமாற்றம், நல்ல பசையான இடங்களுக்குப் போக விரும்பியோர் என பலரும் இவரைத் தேடிப் போகும் நிலையை ஏற்படுத்தினார். இதில் பெரும் பணம் பார்த்தார்.இதுதவிர நில அபகரிப்பு, மிரட்டல் என பல்வேறு புகார்களும் உள்ளன. கல் குவாரி உரிமம் உள்ளிட்ட விவகாரங்களிலும் இவரது பெயர் பெருமளவில் அடிபட்டது. இதில் இவர் மீது கோவையில் வழக்குப் பதிவாகியுள்ளதாக தெரிகிறது.சமீ்பத்தில்தான் கோவையைச் சேர்ந்த மாவட்ட பாஜக துணைத் தலைவர் ராதாகிருஷ்ணன் என்பவர் ராவணன் மீது நில அபகரிப்புப் புகார் கொடுத்தார் என்பது நினைவிருக்கலாம்.இந்த நிலையில் கோவை நடந்த ஒரு மர்ம மரணம் தொடர்பாக ராவணன் கைது செய்யப்பட்டிருப்பதாக தகவல்கள் கூறுகின்றன. சூலூர் பகுதியில் சமீபத்தில் செல்வராஜ் என்பவர் மர்மமான முறையில் உயிரிழந்தார். இது விபத்து என அப்போது கூறப்பட்டது. ஆனால் கொலை என அவரது மகன்கள் கூறி வந்தனர். இதுதொடர்பாக முதல்வர் ஜெயலலிதாவிடம் அவர்கள் நேரிலேயே மனு கொடுத்ததாகவும் கூறப்படுகிறது. இதையடுத்து அது கொலை வழக்காக மாற்றப்பட்டு அதில்தான் தற்போது ராவணன் கைதாகியுள்ளதாக கூறப்படுகிறது.தற்போது ராவணனை போலீஸார் பல்லடத்தில் வைத்து விசாரித்து வருவதாகவும் தகவல்கள் வெளியாகியுள்ளன. பல மணி நேரமாக தீவிர விசாரணை நடந்து வருகிறதாம். இதுவரை இதுகுறித்து போலீஸ் தரப்பில் கப்சிப் என உள்ளனர். ஆனால் ராவணன் கைது செய்யப்பட்டிருப்பது உண்மைதான் என்று நம்பகமான தகவல்கள் தெரிவிக்கின்றன.விரைவில் ராவணன் கைது குறித்து கோவை போலீஸார் தெரிவிக்கலாம் என்றும் கூறப்படுகிறது. அவர் பல்லடம் கோர்ட்டில் ஆஜர்படுத்தப்படுவார் என்றும் எதிர்பார்க்கப்படுகிறது.ஒருபக்கம் கைது நடவடிக்கையிலிருந்து தப்ப திவாகரன் தலைமறைவாக உள்ள நிலையில், மறுபக்கம் ராவணன் கைது செய்யப்பட்டிருப்பதாக வெளியாகியுளள தகவல் சசிகலா தரப்பில் பெரும் அதிர்ச்சி அலைகளை ஏற்படுத்தியுள்ளது.

நெடுந்தீவில் வீடுகள் கையளிப்பு! இப்பகுதி பல்வேறு அபிவிருத்திகளைக் காணுமென அமைச்சர் நம்பிக்கை!

2012-01-27T11:50:00.000-08:00

யாழ் தீவகம் நெடுந்தீவின் அபிவிருத்தி மற்றும் மேம்பாடு தொடர்பில் பாரம்பரிய கைத்தொழில்கள் மற்றும் சிறுதொழில் முயற்சி அபிவிருத்தி அமைச்சர் டக்ளஸ் தேவானந்தா அவர்களும் வடமாகாண ஆளுநர் ஜி.ஏ. சந்திரசிறி அவர்களும் நெடுந்தீவின் பல்வேறு பகுதிகளுக்கு விஜயம் மேற்கொண்டு துறைசார்ந்த அதிகாரிகளுடன் கலந்துரையாடி அது தொடர்பில் ஆராய்ந்தறிந்துள்ளனர். (படங்கள் இணைக்கப்பட்டுள்ளன
நெடுந்தீவுக்கு இன்றைய தினம் (26) விஜயத்தை மேற்கொண்ட அமைச்சர் மற்றும் ஆளுநர் அங்கு முன்னெடுக்கப்பட்ட மற்றும் முன்னெடுக்கப்பட வேண்டிய பல்வேறு அபிவிருத்தித் திட்டங்கள் தொடர்பில் ஆராய்ந்துள்ளனர். இதன் பிரகாரம் கீழ் தீவகத்தில் கோடைக் காலத்தில் நிலவும் நீர்த் தட்டுப்பாட்டை கருத்தில்கொண்டு வடக்கின் வசந்தம் திட்டத்தின் கீழ் புனரமைக்கப்பட்ட வெட்டுக்களிக் குளத்தைப் பார்வையிட்ட அமைச்சர் ஆளுநர் உள்ளிட்ட குழுவினர் அதன் சாதக பாதக நிலைவரங்கள் தொடர்பாக துறைசார்ந்தோரிடம் கேட்டறிந்து கொண்டனர். இப்புனரமைப்பு பணிகள் அமைச்சர் டக்ளஸ் தேவானந்தா அவர்களின் கோரிக்கைக்கு அமைய முன்னெடுக்கப்பட்டமை குறிப்பிடத்தக்கது. தொடர்ந்து நெடுந்தீவின் களாமுனைப் பகுதியில் சுற்றுலா மையம் அமைப்பது சாமிப்பிட்டிப் பகுதியில் சித்த மருத்துவ மூலிகையான கற்றாளை வளர்ப்புத் திட்டத்தை முன்னெடுப்பது தொடர்பில் ஆராய்ந்த அமைச்சர் அவர்கள் அதன் திட்ட வரைபை சமர்ப்பிக்குமாறும் துறைசார்ந்தோரிடம் பணிப்புரை விடுத்தார். இதனிடையே குறிகட்டுவானில் இருந்து நெடுந்தீவு கடற்போக்குவரத்தின் போது தாம் எதிர்நோக்கும் இடர்பாடுகள் தொடர்பில் படகோட்டுநர்கள் அமைச்சர் அவர்களிடம் எடுத்து விளக்கினர். இது விடயம்தொடர்பில் கடற்படை அதிகாரி ஊடாக தீர்வு காணமுடியுமென்றும் தெரிவித்ததுடன் நெடுந்தீவு தாளைத்துறைப் பகுதயை ஆழப்படுத்தித் தருமாறும் இதனூடாக தமது தொழில் இலகுவாக்கப்படலாம் என்றும் அப்பகுதி கடற்றொழிலாளர்கள் சுட்டிக் காட்டியபோது கோரிக்கைகள் தொடர்பில் துறைசார்ந்தோர் ஊடாக விரைவான நடவடிக்கை எடுக்கப்படுமென அமைச்சர் டக்ளஸ் தேவானந்தா அவர்கள் உறுதிமொழி வழங்கினார். அத்துடன் இந்திய மீனவர்களின் அத்துமீறிய தொழில் நடவடிக்கைக்கு இந்திய இலங்கை அரசுகள் மட்டுமல்ல இருதரப்பு கடற்றொழிலாளர்களுடன் கலந்துரையாடியே தீர்வு காணமுடியுமென ஜனாதிபதி தம்மிடம் தொலைபேசியில் கூறியிருந்ததையும் அமைச்சர் அவர்கள் இதன்போது சுட்டிக் காட்டியதுடன் இப்பிரச்சினைக்கு வரும் பங்குனி மாதத்திற்குள் முடிவு காணப்படும் என்றும் தெரிவித்தார். அத்துடன் கடற்படைப் பகுதியிலுள்ள வெளிச்ச வீட்டுக் கோபுரத்திற்கு உடனடியாக மின்விளக்கைப் பொருத்துமாறு கடற்படை அதிகாரியிடம் அமைச்சர் அவர்கள் இதன்போது தெரிவித்தார். இதனிடையே நெடுந்தீவு கிழக்கு சனசமூக நிலையத்தில் கடற்படையினரின் அனுசரணையில் இயங்கி வரும் தையல் கூடத்தை பார்வையிட்டதுடன் நெடுந்தீவு துறைமுகப் பகுதியில் வடக்கின் வசந்தம் திட்டத்தின் கீழ் வீதி அபிவிருத்தி அதிகார சபையால் ஆழமாக்கப்பட்ட பகுதியையும் புதிதாக அமைக்கப்பட்ட துறைமுகத்தையும் அமைச்சர் உள்ளிட்டோர் பார்வையிட்டனர். இதன்போது பிரதேச செயலர் சிறி வடமாகாண கடற்படை கட்டளைத் தளபதி அட்மிரல் ரவி விஜயகுணரட்ன நெடுந்தீவு பிரதேச சபைத் தலைவர் றெக்சியன் (ரஜீவ்) ஈ.பி.டி.பி.யின் யாழ் மாவட்ட அமைப்பாளர் கமலேந்திரன் (கமல்) உள்ளிட்ட துறைசார்ந்தோரும் உடனிருந்தனர்.

பொலிஸ் அதிகாரத்துக்கு தெரிவுக் குழு மூலமே விடை - கெஹெலிய

2012-01-27T09:56:00.001-08:00

காணப்பட வேண்டும் என்று அரசாங்கம் அறிவித்துள்ளது. அரசியலமைப்பில் இடம்பெற்றுள்ள அனைத்தையும் நாட்டில் நடைமுறைப்படுத்தினால் புதிய பிரச்சினைகளே உருவாகும். எனவே ஐக்கிய தேசியக் கட்சியும் ,தமிழ் தேசியக் கூட்டமைப்பும் ஜே.வி.பி. யும் விரைவில் பாராளுமன்ற தெரிவுக் குழுவில் பங்கேற்க வேண்டும் என்றும் அரசாங்கம் அழைப்பு விடுத்துள்ளது.
தகவல் திணைக்களத்தில் நடைபெற்ற அமைச்சரவைத் தீர்மானங்களை அறிவிக்கும் ஊடகவியலாளர் மாநாட்டில் அமைச்சரவையின் பேச்சாளரும் ஊடகத்துறை அமைச்சருமான கெஹெலிய ரம்புக்வெல கருத்துத் தெரிவிக்கையிலேயே மேற்கண்டவாறு கூறினார்.இங்கு அவர் மேலும் கூறியதாவது, இலங்கையின் இனப்பிரச்சினைக்கான தீர்வு தொடர்பில் அரசாங்கம் உறுதியானதும் கொள்கை ரீதியிலானதுமான நிலைப்பாட்டிலேயே உள்ளது. 13 ஆவது திருத்தச் சட்டத்திற்கு அப்பால் செல்லும் தீர்வுத் திட்டம் என்பது எல்லை மீறிய அதிகாரப் பகிர்வு அல்ல.செனற் சபை முறைமையினையே இது குறிப்பிடுகின்றது. செனற் சபை யோசனையினை இந்திய மத்திய அரசாங்கமும் எதிர்க்கட்சித் தலைவி சுஷ்மா சுவராஜும் ஏற்றுக் கொண்டுள்ளனர்.காணி அதிகாரங்களை வழங்குவதில் சிறு சிறு பிரச்சினைகளே உள்ளன. அதனைத் தீர்த்துக் கொள்ளக் கூடியதாக இருக்கும். ஆனால் பொலிஸ் அதிகாரம் என்பது பிரச்சினைக்குரிய விடயமாகவே உள்ளது. இதனை முழு அளவில் நடைமுறைப்படுத்த முடியாது. எவ்வாறாயினும் பாராளுமன்றத் தெரிவுக் குழு ஊடாகவே பொலிஸ் உள்ளிட்ட ஏனைய அதிகாரங்கள் தொடர்பில் பேசப்பட வேண்டும்.இந்தியாவின் ஆட்சி முறைமைகள் இலங்கைக்கு 100 வீதம் பொருந்தாது. அதேபோன்றுதான் ஏனைய நாடுகளின் நிர்வாக முறைமைகளுமாகும். வடக்கு, கிழக்கு மக்களுக்கா அல்லது அரசியல்வாதிகளுக்கா அதிகாரங்கள் தேவைப்படுகின்றன என்பது குறித்து தற்போது சிந்திக்கத் தோன்றுகின்றது. ஏனெனில் "திம்பு'' பேச்சுத் தொடக்கம் இன்றுவரை அதிகாரப் பகிர்வு தொடர்பாக பேசப்படுகின்றதே தவிர தமிழ் மக்களின் தேவைகள் கவனத்தில் கொள்ளப்படவில்லை.அரசியலமைப்பில் உள்ள விடயங்களே நாட்டில் பிரச்சினைகளைத் தோற்றுவிக்கும் என்றால் அதனை நடைமுறைப்படுத்த இயலாது. 13 ஆவது திருத்தச் சட்டத்தை முழு அளவில் நடைமுறைப்படுத்துவதிலும் இத்தகைய நிலையே காணப்படுகிறது.எவ்வாறாயினும் பாராளுமன்றத் தெரிவுக் குழுவில் அனைத்து அரசியல் கட்சிகளும் பங்கு பற்ற வேண்டும். இதில் தமிழ் தேசியக் கூட்டமைப்பின் பங்களிப்பு முக்கியமானதாகும்.

பிரித்தானிய விஸாவுக்கு போலி ஆவணங்கள் சமர்ப்பித்தவர் கைது

2012-01-27T09:05:00.000-08:00

ஐ க்கிய இராச்சிய விஸா பெறுவதற்காக போலி ஆவணங்களை சமர்ப்பித்த இலங்கையர் ஒருவர் ஜனவரி மாதம் 9ஆம் திகதி கைதுசெய்யப்பட்டுள்ளார்.
தான் பிரித்தானியாவில் தங்கியிருந்த காலத்தை மறைக்கும் வகையில் போலியான இலங்கை குடிவரவு முத்திரையைக் கொண்ட கடவுச்சீட்டை இவர் சமர்ப்பித்திருந்தார். இவரது விஸா விண்ணப்பம் மறுக்கப்பட்டதுடன், 10 வருடங்களுக்கு ஐக்கிய இராச்சியத்தினுள் நுழையத் தடை விதிக்கப்பட்டுள்ளது.பிரித்தானிய உயர்ஸ்தானிகராலயத்திலுள்ள ஐக்கிய இராச்சிய எல்லை முகவரக உத்தியோகத்தர்கள், போலியான குடிவரவு முத்திரைகளையும் விஸாக்களையும் கண்டுபிடிப்பதற்கு விசேட பயிற்சி வழங்கப்பட்டுள்ளனர் என ஐக்கிய இராச்சிய எல்லை முகவரக அதிகாரியான கிளேயர் மறே கூறினார்.

முறிகண்டிப் பிள்ளையார் கோவில் உரிமை மனு விசாரணை மே 29 இல் தமிழ்பேசும் நீதியரசர்கள் முன்னிலையில்

2012-01-27T08:48:00.001-08:00

முறிகண்டிப் பிள்ளையார் கோவில் நிர்வாக சர்ச்சை தொடர்பான அடிப்படை உரிமைமீறல் மனு மீதான உயர் நீதிமன்ற விசாரணையை தமிழ் பேசும் நீதியரசர்கள் மேற்கொள்ளவுள்ளனர்.இந்த மனு நேற்று (26) நீதியரசர்கள் சலீம் மார்சூப், கே.ஸ்ரீபவான் மற்றும் எஸ்.ஐ.இமாம் முன்னிலையில் எடுக்கப்பட்டது.
நீதிமன்றம் விசாரணையை மே மாதம் 29 ஆம் திகதிக்கு ஒத்திவைத்ததுடன், இந்த மனு தமிழ் பேசும் நீதியரசர்களான சலீம் மார்சூப், கே.ஸ்ரீபவான் மற்றும் எஸ்.ஐ.இமாம் ஆகியோரை உள்ளடக்கிய நீதிமன்றமே மேற்கொள்ளும் என முடிவு செய்தது.முறிகண்டி பிள்ளையார் கோவிலை தன்னிடம் திருப்பி ஒப்படைக்கக் கோரி அதன் பரம்பரைவழி தர்மகர்த்தா தாக்கல் செய்த அடிப்படை உரிமை மனுவை, உயர்நீதிமன்றம் ஏற்கனவே விசாரணைக்கு ஏற்றுக்கொண்டுவிட்டது.மனுதாரர் ஜி. மணிவண்ணன் தனது மனுவில் இந்து கலாச்சார அலுவல்கள் திணைக்களம் உட்பட 14 பேர்களை எதிர்மனுதாரர்களாக குறிப்பிட்டிருந்தார்.முறிகண்டி பிள்ளையார் கோவில், ஏ-9 கண்டி வீதியில் அமைத்துள்ள புராதன இந்துக் கோவிலாகும். 1990 ஆம் ஆண்டு, இந்தக் கோவிலை, விடுதலைப்புலிகள் தமது நிர்வாகத்தின் கீழ் கொண்டு வந்திருந்தனர்.விடுதலைப்புலிகள் இராணுவரீதியாக தோற்கடிக்கப்பட்;ட பின்னர், அதன் பரிபாலனத்தை இந்து கலாச்சார அலுவல்கள் திணைக்களம் நடத்திவருகிறது.மனுதாரர் சார்பில எம்.ஏ.சுமந்திரன் மற்றும் மோஹன் பாலேந்திரர் ஆஜரானார்கள். சட்ட மாஅதிபர் சார்பில் சிரேஷ்ட அரச சட்டத்தரணி ரஜிவ் குணதிலக்க ஆஜரானார். புதுக்குடியிருப்பு பிரதேச சபையின் சார்பில் ஏ.முத்துக்கிருஷ்ணன் ஆஜரானார்.

தமிழுக்குத் துரோகம் இழைத்துவிட்டோம் : அமைச்சர் டலஸ்

2012-01-27T08:16:00.000-08:00

சிங்கள மொழிக்கு முக்கியத்துவம் கொடுத்துத் தமிழ்மொழிக்குத் துரோகம் இழைத்து விட்டோம். இவ்வரலாற்றுத் தவறை நிகழ்காலத்திலும் செய்யக்கூடாது என்று அமைச்சர் டலஸ் அழகபெரும கூறினார்.
இளைஞர் அலுவல்கள் மற்றும் திறன் அபிவிருத்தி அமைச்சில் இன்று நடைபெற்ற நிகழ்வொன்றில் கலந்து கொண்டு உரையாற்றுகையிலேயே அமைச்சர் மேற்கண்டவாறு குறிப்பிட்டார். தொடர்ந்து கருத்துத் தெரிவித்த அவர்,"இலங்கையில் ஏனைய சிறுபான்மை இன மொழிகளுக்கும் சம அந்தஸ்து வழங்கப்பட்டிருக்க வேண்டும். அதுமட்டுமன்றி சர்வதேச மொழிகளுக்கும் முக்கியத்துவம் வழங்கப்பட்டிருக்க வேண்டும். அப்போதுதான் நவீன தொழில்நுட்ப வளர்ச்சிக்கு ஏற்ப உலகத்துடன் ஒன்றித்துப் பயணிக்க முடியும்" என்றார்.

களத்தில் இருக்கும் போது தகாத வாரத்தைகளால் திட்டுகின்றனர்: கோலி

2012-01-27T07:29:00.001-08:00

களத்தில் இருக்கும் போது அவுஸ்திரேலிய வீரர்கள் தகாத வார்த்தைகளால் திட்டியதாக இந்தியாவின் விராத் கோலி குற்றம்சாட்டியுள்ளார். இது குறித்து கோலி கூறுகையில்,
களத்தில் இருக்கும் போது அவுஸ்திரேலிய வீரர்கள் தொடர்ந்து தகாத வார்த்தைகளை பிரயோகிக்கின்றனர். இதன் மூலம் இந்திய துடுப்பாட்ட வீரர்களின் கவனத்தை சிதறடிக்கின்றனர். நான் 99 ஓட்டங்களை பெற்று இருந்த போது ரன் அவுட் வாய்ப்பில் இருந்து தப்பினேன். அப்போது ஹிலபெனாஸ் மோசமான வார்த்தைகளால் திட்டினார். இதை நாகரிகம் கருதி வெளியில் சொல்ல முடியாது. இதற்கு நானும் பதிலடி கொடுத்தேன். பின் பொண்டிங் தலையிட்டு சமாதானம் செய்து வைத்தார். நாங்கள் சர்வதேச கிரிக்கெட் வீரர்கள். போட்டியில் பங்கேற்க தான் அவுஸ்திரேலியா சென்றுள்ளோம்;. அவ்வீரர்களிடம் திட்டு வாங்குவதற்காக அல்ல. ரசிகர்களும் மோசமாக நடந்து கொள்கின்றனர். பதிலுக்கு நான் ஏதாவது செய்தால் (சிட்னி டெஸ்டில் நடுவிரலை காட்டியது) அபராதம் விதிக்கின்றனர்.முதல் சதம் அடித்த போது, மிகவும் மகிழ்ச்சியாக இருந்தது. இன்று விரைவாக ஆஸ்திரேலிய அணியின் விக்கெட்டை கைப்பற்றும் பட்சத்தில் இந்தியாவுக்கும் வெற்றி வாய்ப்பு உள்ளது என கோலி தெரிவித்துள்ளார்.