இருபத்தி இரண்டாவது தியாகிகள் தினம்.



வாசகர்கள்அனைவருக்கும்இனியபுத்தாண்டுவாழ்த்துக்கள்


இனிய புத்தாண்டு வாழ்த்துக்கள்jkr 2013 - (Free Animated gif-Download the Original size of this photo)

செய்தியறிக்கை

JKR  செவ்வாய், 9 பிப்ரவரி, 2010


இலங்கை நாடாளுமன்றம்
இலங்கை நாடாளுமன்றம்

இலங்கை நாடாளுமன்றம் கலைப்பு

இலங்கையில் தற்போதைய நாடாளுமன்றத்தின் ஆட்சிக் காலம் முடிய இரண்டு மாதங்கள் உள்ள நிலையில், ஜனாதிபதி மகிந்த ராஜபக்ச, நாடாளுமன்றத்தை கலைப்பதாக அறிவித்துள்ளார்.

இந்த அறிவிப்பு இரவில் இருந்து அமலுக்கு வரும் என்று அரசு சார்பில் பேசவல்ல ஒருவர் தெரிவித்துள்ளார்.

தேர்தல் எப்போது நடக்கும் என்பது குறித்து தேர்தல் ஆணையர் கூறுவார் என்றும் அவர் கூறினார்.


நைஜீரியாவில் துணைஅதிபர் தற்காலிக அதிபராகிரார்

அதிபர் யார் அடுவா
அதிபர் யார் அடுவா

நைஜீரியாவில் நோய்வாய்ப்பட்டுள்ள அதிபர் யார் அடுவாவின் அதிகாரங்களை துணை அதிபர் குட்லக் ஜோனதனுக்கு மாற்றிக் கையளிப்பதற்கு ஆதரவாக அந்நாட்டுடைய நாடாளுமன்றத்தின் இரு அவைகளும் வாக்களித்துள்ளன.

அதிபர் யார் அடுவா கடந்த நவம்பர் மாதம் இருதய சிகிச்சைக்காக சவுதி அரேபியா சென்றதிலிருந்து நாட்டில் ஓர் அதிகார வெற்றிடம் ஏற்பட்டிருந்தது.

நைஜீரியாவில் ஏற்பட்டுள்ள இந்தச் சவாலான சூழ்நிலையை சமாளிக்க சரியான தீர்வு குட்லக் ஜோனதனை தற்காலிக அதிபராக்குவதுதான் என செனெட் மன்றத் தலைவர் டேவிட் மார்க் கூறியுள்ளார்.

ஆட்சி அதிகாரத்தை இவ்வாறு கையளிப்பதன் சட்டபூர்வ அங்கீகாரம் குறித்து சந்தேகங்கள் இருப்பதாக செய்தியாளர்கள் கூறுகின்றனர். ஆனால் அரசியல் சாசனம் இத்தகைய அதிகார மாற்றத்தை தடுக்கவில்லை என்று செனெட் தலைவர் கூறுகிறார்.


பனிச்சரிவின் காரணமாக ஆப்கனில் 24 பேர் சாவு

வட ஆப்கானில் உள்ள மலைகள்
வட ஆப்கானில் உள்ள மலைகள்

ஆப்கானிஸ்தானில் மலைச் சுரங்கப் பாதை ஒன்றைச் சுற்றி வரிசையாக நடந்துள்ள பனிச் சரிவுகளால் குறைந்தது இருபத்து நான்கு பேர் கொல்லப்பட்டுள்ளனர், வேறு நாற்பது பேரைக் காணவில்லை.

சலங் என்ற இந்த சுரங்கப் பாதையின் உள்ளே புகையில் மூச்சுத் திணறி சிலர் இறந்தனர். மற்றவர்கள் பனிச் சரிவில் புதையுண்டு உயிரிழந்துள்ளனர். சுரங்கப்பாதையின் உள்ளே எத்தனை பேர் சிக்குண்டுள்ளனர் என்பது இன்னும் தெளிவில்லாமல் இருக்கிறது.

அப்பகுதியில் கடந்த பல நாட்களாக கடுமையான பனிப்பொழிவு ஏற்பட்டதை அடுத்து தற்போது இந்த பனிச் சரிவு ஏற்பட்டுள்ளது. ஹிந்து குஷ் மலைத் தொடரில் உயரமான இடத்தில் இந்த சலங் சுரங்கப்பாதை அமைந்துள்ளது.

ஆப்கானிஸ்தானின் வட பகுதியிலிருந்து காபூல் நோக்கி செல்லும் முக்கியப் பாதையில் உள்ள இச்சுரங்கப் பாதை மத்திய ஆசியாவை துணைக் கண்டத்துடன் தொடர்பு படுத்தும் பாதையாக அமைந்துள்ளது.


தென்னாப்பிரிக்காவில் தீ காரணமாக 15 பேர் பலி

தீ எதனால் ஏற்பட்டது என்பது தெரியவில்லை
தீ எதனால் ஏற்பட்டது என்பது தெரியவில்லை

தென்னாப்பிரிக்காவில் அனாதை இல்லம் ஒன்றில் தீ பரவியதில் குறைந்தபட்சம் 13 குழந்தைகள் கொல்லப்பட்டுள்ளனர். இதில் இரண்டு பெரியவர்கள் உயிரிழந்துள்ளனர்.

குவாஸுலு நடால் பிராந்தியத்தில் நியூகாஸ்டில் நகரில் ஏற்பட்ட இந்த தீயில் வேறு பலரும் காயம் அடைந்துள்ளதாக பொலிசார் கூறுகின்றனர்.

எதனால் தீ பரவியது என்பது இதுவரை தெரியவில்லை.

செய்தியரங்கம்
சரத் பொன்சேகா
சரத் பொன்சேகா
சரத் பொன்சேகா கைதை எதிர்கட்சிகள் கண்டிப்பு

இலங்கையின் முன்னாள் ராணுவ தளபதியும், ஜனாதிபதி தேர்தலில் எதிர்க்கட்சிகளின் பொது வேட்பாளராகப் போட்டியிட்டவருமான ஜெனரல் சரத் பொன்சேகா இராணுவ விசாரணைக்கு உட்படுத்தப்படுவார் என்று அதிகாரிகள் தெரிவிக்கின்றனர்.

திங்கட்கிழமை இரவு, கொழும்பில் பொன்சேகா அவரது அலுவலகத்தில் வைத்து கைது செய்யப்பட்டார்.

கைது செய்யப்பட்ட போது, சரத் பொன்சேகா பல அரசியல் தலைவர்களுடன் ஒரு சந்திப்பை நிகழ்த்திக்கொண்டிருந்தார்.

இலங்கையின் தேசிய பாதுகாப்பபு சபையில் உறுப்பினராக இருந்த பொழுதே அரசியல் வாதிகளுடன் கலந்துரையாடியதன் மூலமாக இராணுவ விதிகளை அவர் மீறியுள்ளளார் என்பதால்தான் இந்த கைதுநடவடிக்கை என்று இலங்கை அரசு தெரிவிக்கிறது.

பொன்சேகாவின் நடவடிக்கை ஒரு வகையில் தேச விரோதக் குற்றமாக அமைந்துள்ளது என பாதுகாப்பு விடயங்கள் சார்பாகப் பேசவல்ல அமைச்சர் கெஹெலிய ரம்புக்வெல்ல கூறினார்.

இலங்கையின் முன்னாள் ஆயுதப் படைத் தளபதியாக இருந்த பொன்சேகாவை இராணுவ நீதிமன்ற விசாரணைக்கு உட்படுத்த தாம் எண்ணம் கொண்டுள்ளதாக அதிகாரிகள் தெரிவிக்கின்றனர்.

அதே நேரம் சரத் பொன்சேகா மிகவும் மோசமான, அருவருப்பான முறையில் இழுத்துச்செல்லப்பட்டார் என்று ஸ்ரீலங்கா முஸ்லீம் காங்கிரஸ் தலைவர் ரவுப் ஹக்கீம் கூறினார்.

கைது செய்யப்படுவதற்கு முன்னர், திங்கட்கிழமை,
ஜெனரல் சரத் ஃபொன்சேகா இலங்கைக்கு எதிராக சர்வதேச நீதிமன்றத்தில் போர் குற்றங்கள் குறித்த விசாரணைகள் வருமானால் அப்போது, தான் சாட்சியம் அளிக்க தயாராக உள்ளதாக தெரிவித்திருந்தார்.

இது பற்றிய மேலதிக விபரங்களை இன்றைய நிகழ்சியில் நேயர்கள் கேட்கலாம்.


சரத் பொன்சேகா கைது சட்டவிரோதமானது, உடனடியாக விடுவிக்கப்பட வேண்டும்—ரணில் விக்ரமசிங்க

ரணில் விக்ரமசிங்க
சரத் பொன்சேகா கைது சட்டவிரோதமானது என்கிரார் ரணில்
இலங்கை ஜனாதிபதித் தேர்தலில் போட்டியிட்ட வேட்பாளரான ஜெனரல் சரத் பொன்சேகாவை கைது செய்துள்ளது சட்டவிரோதமானது, ஜனநாயகத்துக்கு எதிரானது என்று கருத்து வெளியிட்டுள்ளார் இலங்கையின் எதிர்கட்சித் தலைவரான ரணில் விக்ரமசிங்க

அவரது கைது இராணுவச் சட்டங்களுக்கு எதிரானது மட்டுமல்ல நாட்டின் பொதுவான சட்டங்களுக்கும் எதிரானது என்றும் ஐக்கிய தேசிய கட்சியின் தலைவரான ரணில் விக்ரமசிங்க பிபிசி சந்தேஷ்யவிடம் தெரிவித்தார். அவரது கைது என்பது நாட்டின் அரசியல் சாசனத்தை மீறும் செயல் என்றும் அவர் கூறுகிறார்.

அவர் கைது செய்யப்பட்டுள்ளதை தாங்கள் கண்டிப்பதாகவும் அவர் உடனடியாக விடுவிக்கப்பட வேண்டும் எனவும் ரணில் விக்ரமசிங்க கோரியுள்ளார். இதுகுறித்து பல்தரப்பினருடனும் தான் பேசி வருவதாகவும்,அனைவரும் இதே கருத்தை கொண்டுள்ளனர் எனவும் அவர் மேலும் கூறுகிறார்.

இது சில இராணுவ அதிகாரிகளால் மேற்கொள்ளப்பட்ட ஒரு ஜனநாயக விரோதச் செயல் என்றும் அவர் கூறுகிறார். அவர் மீது ஏதாவது குற்றசாட்டுகள் இருந்தால் அவை வழக்கமான நீதிமன்றங்கள் முன்னர் தெரிவிக்கப்பட வேண்டும் எனவும் ரணில் கருத்து வெளியிடுகிறார்.

மிருகத்தைப் போன்று இழுத்துச் சென்றார்கள்

பொன்சேகாவை மிருகத்தைப் போல இழுத்துச் சென்றதாக அவரின் மனைவி அனோமா பொன்சேகா தெரிவித்துள்ளார்.

பொன்சேகாவை சந்திக்க செவ்வாயன்று அவருக்கு அனுமதி அளிக்கப்பட்டதாக செய்திகள் கூறுன்றன.

இந்த கைதை தமிழ் தேசிய கூட்டமைப்பு கண்டித்துள்ளது. பொன்சேகா தவறு செய்திருந்தால் அவரை உரிய முறையில் விசாரிக்கலாம் என்றும் இப்படி ஏதேச்சதிகாரமாக செயல்படக் கூடாது என்றும் அது கூறியுள்ளது.


மரபணு மாற்றம் செய்யப்பட்ட கத்தரிக்கு இந்தியா அனுமதி மறுப்பு

நாட்டுக் கத்தரி
நாட்டுக் கத்தரி

மரபணு மாற்றம் செய்யப்பட்ட தொழில்நுட்பத்தின் மூலம் உற்பத்தி செய்யப்படும் பி.டி கத்தரிக்காய்கள், பொதுமக்களின் உடல்நலத்துக்குக் கேடு விளைவிக்காது என்பது உறுதி செய்யப்படும் வரை, அந்தக் கத்தரிக்காய்களை வர்த்தக ரீதியாக இந்தியாவில் அனுமதிப்பதில்லை என்று முடிவு செய்யப்பட்டிருப்பதாக இந்திய வனம் மற்றும் சுற்றுச்சூழல் துறை அமைச்சர் ஜெயராம் ரமேஷ் அறிவித்துள்ளார்.

ஆளும் காங்கிரஸ் கட்சியிலிருந்தும், மாநில அரசுகள், விவசாயிகள் மற்றும் தன்னார்வ அமைப்புக்களிடம் இருந்தும் கடும் எதிர்ப்புக் கிளம்பியதை அடுத்து இந்த முடிவு எடுக்கப்பட்டுள்ளது.

செவ்வாய்கிழமை மாலை செய்தியாளர்களிடம் பேசும்போது ஜெயராம் ரமேஷ் அதற்கான அறிவிப்பை வெளியிட்டார்.

மேலும், பொதுமக்களுக்கு எந்த பாதிப்பும் ஏற்படாது என்பது உறுதி செய்யப்படும் வரை அந்தத் தடை தொடரும் என்றும் அவர் தெளிவுபடுத்தினார்.

இது மிகவும் கடுமையான முடிவு என்றாலும் கூட, விஞ்ஞானம், சமூகம், உற்பத்தியாளர், நுகர்வோர் ஆகிய அனைவரையும் கணக்கில் கொண்டு முடிவெடுக்க வேண்டியிருந்தது என்று அவர் தெரிவித்தார்.

எந்த நிர்பந்தத்தின் அடிப்படையிலு்ம் தான் இந்த முடிவை எடுக்கவில்லை என்று அமைச்சர் தெரிவித்தார். வேளாண் விஞ்ஞானி எம்.எஸ். சுவாமிநாதனுடன் நீண்ட ஆலோசனை நடத்திய பிறகே தான் இந்த முடிவை எடுத்ததாக அவர் தெரிவித்தார்.

தொடர்ந்து நடைபெறும் ஆய்வுகளின்போது அனைத்து அம்சங்களும் கவனத்தில் கொள்ளப்படும் என அமைச்சர் தெரிவித்தார்.

பி.டி. கத்தரிக்காயை அனுமதிக்கலாமா என்பது குறித்து, நாடு முழுவதும் ஏழு நகரங்களில் சுமார் 8 ஆயிரம் பேரிடம் ஆலோசனை நடத்தப்பட்டதாக அமைச்சர் தெரிவித்தார். அந்த ஆலோசனைகளின்போது, பல இடங்களில் தன்னார்வ அமைப்புக்கள் மற்றும் விவசாயிகளுடன் அமைச்சர் வாக்குவாதத்தில் ஈடுபட்டார்.

பாஜக மற்றும் இடதுசாரிக் கட்சிகள் ஆளும் கர்நாடகம், மேற்கு வங்கம் உள்ளிட்ட மாநிலங்கள் மட்டுமன்றி, காங்கிரஸ் ஆளும் ஆந்திரம், கூட்டணிக்கட்சிகள் ஆட்சி நடத்தும் தமிழ்நாடு உள்பட பத்துக்கும் மேற்பட்ட மாநில அரசுகள், பி.டி. கத்தரிக்காய்க்கு அனுமதியளிக்க முடியாது என திட்டவட்டமாக அறிவித்துவிட்டன. மேற்கு வங்கம், ஒரிஸா, பிகார் மாநிலங்களில் இருந்து மட்டும் 60 சதத்துக்கும் மேற்பட்ட கத்தரிக்காய் உற்பத்தி செய்யப்படுகிறது.

0 கருத்துகள்:

உங்கள் கருத்தை யுனிகோட்டில் பதிவு செய்யுங்கள் ...
jkr jkr