ஈராக்கில் இன்று தற்கொலைப் படைத் தாக்குதல் : 29 பேர் பலி

ஈராக்கில் இன்று காலை நடைபெற்ற தற்கொலைப்படைத் தாக்குதலில் 29 பேர் உயிரிழந்தனர்.

தியாலா மாகாணத்தில் உள்ள பகோபா நகரில் இத்தாக்குதல் சம்பவம் நிகழ்ந்துள்ளது. ஈராக் இராணுவ முகாம் அருகேயுள்ள பகுதியில் 3 இடங்களில் தற்கொலைப்படைத் தாக்குதல் நடைபெற்றதாகக் காவல்துறை செய்தித் தொடர்பாளர் காலிப் அல்-கர்க்கி தெரிவித்தார். இந்நிலையில், பகோபா நகரில் மருத்துவமனை அருகே ஒரு காரில் வைக்கப்பட்ட வெடிகுண்டை பொலிஸார் பாதுகாப்பாக அகற்றினர். ஈராக்கில் எதிர்வரும் ஞாயிற்றுக்கிழமை பொதுத்தேர்தல் நடைபெறவுள்ள நிலையில், இத்தாக்குதல் நடைபெற்றுள்ளமை குறிப்பிடத்தக்கது.